Aımaqtar • 01 Naýryz, 2021

40-qa jýyq adamdy ajaldan arashalaǵan shymkenttik dáriger týraly ne bilemiz?

70 ret kórsetildi

Jol apaty, júkti áıeldi kólikte bosandyrý men túrli oqys jaǵdaılar. Biz úshin mundaı jaǵdaılar tańǵalarlyq bolsa, feldsher mamandary úshin kúndelikti qyzmet. Sondyqtan da bul jumysty tek sol istiń naǵyz mamandary, adam ómirin saqtaýdy - boryshy dep sanaıtyn abzal jandar ǵana atqara alady. Solardyń biri- Meırambek Arǵynbaev.

M.Arǵynbaev - qalalyq jedel járlem stansııasyndaǵy №1 qosalqy stansııanyń qarqyndy terapııa brıgadasynyń dárigeri bolyp jumys isteıdi.

Bilikti maman 11 jyldan beri densaýlyq saqtaý salasynda qyzmet etip keledi. Kóbine aýyr jaǵdaıdaǵy naýqastarǵa kómek kórsetetin maman reanımasııalyq kómek kórsetýde úzdik ekenin dáleldeı bilgen. Osy kúnge deıin feldsher klınıkalyq ólim jaǵdaıyndaǵy 40-qa jýyq azamatqa sátti reanımasııalyq kómek kórsetip, ajaldan arashalap qalǵan.

Feldsher óziniń mamandyǵyn maqtan etetinin aıtyp, halyqtyń saýlyǵy úshin aıanbaı eńbek etemin deıdi.

– Osydan bir aı buryn kezekshilik kezde qaladaǵy «Teriskeı» shaǵyn aýdanynan shaqyrtý tústi. Biz barǵan kezlde es tússiz halde kerýette jatqan er kisige birinshi medısınalyq kómek kórsettik. Naýqasty tekserip jatqanda kenetten júregi toqtap qaldy. Ýaqyt joǵaltpaı dereý kómekshimiz ekeýmiz reanımasııalyq is sharalardy jasap, 4 mınýt ishinde naýqasty klınıkalyq ólim jaǵdaıynan shyǵardyq. Keıin naýqasty júrek ortalyǵyna jedel járdemmen jetkizdik. Naýqastyń densaýlyq jaǵdaıy jaqsaryp, otbasyna aman-esen oraldy, - deıdi feldsher.

Jas dáriger biliktiliginiń arqasynda kóptegen naýqastardyń alǵysyn alǵan. Ol «jedel medısınalyq kómek», «reanımatologııa jáne anestezıologııa» baǵdarlamalary boıynsha biliktiliktin arttyrǵan.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar