Aımaqtar • 01 Naýryz, 2021

Almatyda ulttar dostyǵan arqaý etken shara ótti

12 ret kórsetildi

Almaty qalasy ákimdigi Qazaqstan Respýblıkasy Tuńǵysh Prezıdentiniń muraǵatymen birlesip Alǵys aıtý kúnine oraı «Ortaq úıimizdegi beıbitshilik pen kelisim» taqyrybynda dóńgelek ústel ótkizdi. Is-sharaǵa túrli etnomádenı birlestikterdiń tóraǵalary men zııaly qaýym qatysty.

Onlaın formatta órbigen is-sharada shyǵarmashyl jastardyń «Qazaqstan – bizdiń ortaq úıimiz» dep atalǵan sýret kórmesi kópshilik nazaryna usynyldy. Qazaq dalasynyń kórkem tabıǵaty, qala ómiri, memlekettik nyshandar keıiptelgen kartınalarda jas sýretshiler ósip-óngen ólkesine degen súıispenshiligin pash etken. Almatynyń keń dańǵyldary, Alataý baýraıyndaǵy ásem almabaq olardyń qııalyna qanat bitirgendeı.

«Alǵys aıtý kúni – azamattardyń óz eline, óz jerine, óziniń kishi otanyna, alǵys aıtý merekesi. Bul mereke jastarǵa etnostardyń aldynda qandaı qıyndyqtar bolǵanyn, taǵdyr synyna ushyraǵan halyqtarǵa qazaq eli qalaı qushaq ashqanyn zerdelep jetkizetin kún. Beıbitshilik pen turaqtylyqtyń arqasynda jastarymyz shyǵarmashylyqpen erkin aınalysyp, óz armandaryna qol sozyp júr. Munyń bári Táýelsizdik pen yntymaqtyń jemisi»,-deıdi Almaty qalasy kúrdter qaýymdastyǵynyń «Barbang» etnomádenı ortalyǵynyń eks-tóraǵasy, Qazaqstan Respýblıkasy Parlamenti Májilisiniń depýtaty Vakıl Nabıev.

Qoǵam damýy úshin halyq birliginiń mańyzdylyǵyn atap ótken dóńgelek ústel qatysýshylary, tarıh betterine úńilip ótkenge salaýat, qazaq halqyna alǵys aıtty.

«Bul merekeniń negizi men tamyryn otyzynshy, qyrqynshy jáne elýinshi jyldary atalarymyz ben analarymyz salǵan. Kóptegen ekonomıkalyq, moraldyq jáne turmystyq problemalar týyndaǵan qıyn kezeńde bizdiń ákelerimiz ben atalarymyz bir-birine kómektesý úshin barlyq kúsh-jigerin biriktirdi. Nátıjesinde biz damyǵan, jas memlekettiń kirpishi bolyp qalandyq. Osy jyldar ishinde Qazaqstan túrli ulttar men ulystardyń dostyq ýnıversıtetine aınaldy», deıdi Qazaqstannyń grekter qoǵamynyń «Fılııa» ZTQ qaýymdastyǵynyń tóraǵasy Georgıı Iordanıdı.

 

 

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar