Qonaqtar qatarynda Kýveıt Memleketiniń Qazaqstan Respýblıkasyndaǵy Tótenshe jáne О́kiletti Elshisi Tarek al-Faradj, Belarýs Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Pavel Ýtıýpın, Iordan Hashımıt Koroldiginiń Qazaqstan Respýblıkasyndaǵy Tótenshe jáne О́kiletti Elshisi Iýsef Abdelganı, Qyrǵyz Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Jeenbek Kýlýbaev, Nıderland Koroldiginiń Qazaqstan Respýblıkasyndaǵy Tótenshe jáne О́kiletti Elshisi Andre Karstens, Palestına Memleketiniń Qazaqstan Respýblıkasyndaǵy Tótenshe jáne О́kiletti Elshisi Montaser Abý Zeıd, Rýmynııanyń Qazaqstan Respýblıkasyndaǵy Tótenshe jáne О́kiletti Elshisi Chezar Manole Armıaný, О́zbekstan Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Saıdıkram Nııazhodjaev, Aýǵanstan Islam Respýblıkasynyń Qazaqstan Respýblıkasyndaǵy Elshiligi isterinde Ýaqytsha senim júktelgen ókili Azız Omar qatysty.
Kezdesý maqsaty aımaqtyq jáne jahandyq turaqtylyqty qamtamasyz etýge baǵyttalǵan órkenıetaralyq jáne dinaralyq dıalogty damytý salasyndaǵy bastamalardy talqylaý, seriktestikti kúsheıtý, qonaqtardy Ortalyqtyń negizgi qyzmet baǵyttarymen, Qazaqstan Respýblıkasy Táýelsizdiginiń 30-jyldyǵy qarsańyndaǵy halyqaralyq is-sharalardy uıymdastyrý josparlarymen bólisý bolyp tabyldy. Olardyń qatarynda «XXI ǵasyrda Ortalyq Azııa memleketteriniń mádenıet kórshiligi», Qazaqstannyń Rýhanı kelisim kúni jáne elimizdiń Táýelsizdiginiń 30-jyldyǵyna arnalǵan halyqaralyq konferensııalar, sonymen birge «Obektıv prızmasyndaǵy dinı álem» halyqaralyq fotokórmeler toptamasy bar.
Bolat Sársenbaev 2022 jyly kezekti Álemdik jáne dástúrli dinder kóshbasshylarynyń sezin ótkizý men 2021 jyly XIX Sezd Hatshylyǵyn uıymdastyrý mańyzdylyǵyna erekshe nazar aýdardy.
«Qazirgi tańda QR Parlament Senatynyń Tóraǵasy – Álemdik jáne dástúrli dinder kóshbasshylarynyń sezi Hatshylyǵynyń jetekshisi Máýlen Áshimbaevtiń, sonymen qatar, QR Aqparat jáne qoǵamdyq damý mınıstrligi jáne QR Syrtqy ister mınıstrligi jetekshiligimen XIX Hatshylyqty ótkizý boıynsha Ortalyq tarapynan belsendi uıymdastyrýshylyq jumys bastaldy.
Táýelsizdiktiń alǵashqy kúnderinen bizdiń elimiz konfessııalar arasyndaǵy qarym-qatynas máseleleri boıynsha ashyq jáne syndarly dıalogqa umtylýda jáne álemde tózimdilik ıdeıalaryn jyljytýǵa barynsha atsalysýda. Sózsiz, osy baǵytta Qazaqstan salmaqty jetistikke qol jetkizdi. Aldaǵy Hatshylyq – konfessııaaralyq jáne órkenıetaralyq dıalogty kúsheıtý boıynsha Sezdiń jahandyq kún tártibin jáne basty taqyryptaryn anyqtaýdaǵy mańyzdy oqıǵa. Atap aıtqanda, Qazaqstan bastamasynyń nátıjesinde 2003 jyldan júıeli túrde ótkiziletin Álemdik jáne dástúrli dinder kóshbasshylary seziniń alańdarynda beıbit álemniń turaqty mehanızmderi quryldy», – dedi Ortalyqtyń Basqarma Tóraǵasy.
О́z kezeginde dıplomatııalyq ókildikter basshylary halyqaralyq is-sharalardy – XIX Hatshylyqty jáne Álemdik jáne dástúrli dinder kóshbasshylary sezin – uıymdastyrý máseleleri boıynsha seriktestikke daıyndyqtaryn bildirdi. Sonymen qatar, Qazaqstannyń Tuńǵysh Prezıdenti – Elbasy N. Nazarbaevtyń konfessııalar arasynda tıimdi beıbit jáne kelisim strategııasyn qurý isine úlesin, QR Prezıdenti Q. Toqaevtyń Qazaqstandy halyqaralyq alańda dinder men órkenıetter dıalogynyń jahandyq ortalyǵy retinde deńgeıin kóterýdegi róline erekshe toqtaldy.
Jalpy kezdesý jyly jáne dostyq jaǵdaıda ótip, rýhanı dıplomatııa salasynda uzaq merzimdi seriktestikti damytýda jańa túrtki boldy.
Ortalyqty tanystyrý qorytyndysy retinde Beıbitshilik pen kelisim murajaıynda ekskýrsııa ótkizildi.
