Reseılik ınvestorlarmen kezdesken oblys ákimi Mahambet Dosmuhambetovtiń aıtýynsha, Atyraýda ınvestısııalyq jobalardy iske asyrýǵa mol múmkindik bar.
«Investısııalyq jobalar aımaqtyń áleýmettik-ekonomıkalyq damýyna oń yqpalyn tıgizedi. Sondyqtan, oblys ekonomıkasynyń órkendeýine septigi tıetin ınvestısııalyq jobalardy qoldaýǵa daıynbyz», deıdi Mahambet Dosmuhambetov.
Atyraýda eki jobany qolǵa alatyn ınvestor – «ÝltraStab» JShQ-nyń dırektory O.Kostylevtiń málimetinshe, qazir ınvestısııalyq jobanyń birinshi kezeńi úshin shetelden eki stanok satyp alynypty. Endi óndiristik jabdyqtarǵa tapsyrys berilipti. Jobanyń tehnıkalyq-ekonomıkalyq negizdemesi daıyn tur.
«Jylyna 3 mln sharshy metr geosıntetıka shyǵarý sehyna 38 adamdy turaqty jumyspen qamtý kózdeldi. Al, ekstrýzıondyq geosıntetıka sehyna 44 adam turaqty jumysqa ornalasady. Onyń qýaty jylyna – 5 mln sharshy metr. Bul sehtar jyl sońyna deıin iske qosylyp, ónim shyǵara bastaıdy», deıdi O.Kostylev.
Bul jobalarǵa qajetti shıkizat ázirge shetelden tasymaldanady. Keıin shıkizat Atyraýdaǵy KPI kompanııasy iske asyryp jatqan ıntegrasııalanǵan gaz-hımııa kesheninen alynady.
Reseı ınvestorlary iske asyratyn jobalarda qurylysqa qajetti san túrli daıyn ónim shyǵarýdy kózdelipti. Onyń ishinde avtokólik pen temirjol qurylysyna, ónerkásiptik qaldyqtardy saqtaý men jaǵalaýdy bekitýge qoldanylatyn materıaldar bar.
