Qaýlyda jazylǵandaı, meshitterde namaz (onyń ishinde juma namazyn) kelýshilerdi shahmattyq rettilikpen otyrǵyzyp, jalpy syıymdylyǵynyń 30%-na deıin toltyrýmen oqýǵa ruqsat berildi.
1-5 synyptar jáne 9, 11 (12) synyptar aptanyń 6 kúninde aralas oqıdy. Pánderdiń 70%-y shtattyq rejımde, 30%-y qashyqtan oqytý formatynda júzege asyrylady. «Sondaı-aq toltyrylýyn 30%-dan asyrmaı, jalpy sany 50 adamǵa eske alý rásimderin (as berý) ótkizýge, bir otbasy múshelerin qospaǵanda kórermenderdi shahmattyq rettilikpen otyrǵyzyp, jalpy adam sanyn 20%-dan asyrmaı sporttyq is-sharalardy ótkizýge bolady.
Balalardyń oıyn alańdaryn, attraksıondardyń toltyrylýyn 30%-dan asyrmaı, jalpy sany 50 balany kirgizip jumys isteýge ruqsat etildi» delingen qujatta. Endi sırkke de barýǵa bolady. Qoıylar talap – kelýshilerdi shahmattyq rettilikpen otyrǵyzyp, jalpy adam sanyn 30%-dan artyq toltyrmaý.
«Jalpy adam sanyn 30%-dan asyrmaı bılıard klýbtary jumys isteı bastaıdy. Jeke nemese 15 adamnan aspaıtyn toptar úshin maskalyq rejımdi jáne keminde 2 metr qashyqtyqty saqtaı otyryp, erekshe qorǵalatyn tabıǵı aýmaqtarǵa barýǵa ruqsat berildi. Ulttyq qurama, klýbtyq komandalar jáne oblystyq komandalardy daıyndaý úshin bir mezgilde 30 adamnan aspaıtyn mólsherde oqý-jattyǵý jıyndaryn ótkizýge bolady. Biraq kezekshi toptardy qospaǵanda, mektepke deıingi mekemelerge jáne balalar saýyqtyrý lagerleriniń qyzmetine tyıym salynǵan», delingen qaýlyda.
