Qoǵam • 02 Naýryz, 2021

Qosylý shartyna qol qoıdy

10 ret kórsetildi

«Báıterek» jáne «QazAgro» holdıngteriniń basshylary Aıdar Áriphanov pen Erbol Qarashókeev tapsyrý aktisine jáne qosylý týraly shartqa qol qoıdy. Tapsyrý aktisi aǵymdaǵy jyldyń 15 naýryzynda bekitiledi.

Memleket basshysynyń 2020 jylǵy 1 qyr­kúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn iske asyrý jónindegi jalpyulttyq is-sharalar jos­pary­nyń 52-tarmaǵyn oryndaý sheńberinde, «Báıterek» holdıngi «QazAgro» holdıngin qosyp alý jolymen biryńǵaı damý ınstıtýtyn qurý jumysyn júrgizýde. Sondaı-aq portfeldik kompanııalar sany 14-ten 7-eýge deıin qysqartylyp, shtat sany tıisinshe túzetiletin bolady. 

– «Báıterek» jańa fýnksııalarmen tolyqqan qýatty memlekettik holdıng retinde óz jumysyn jalǵastyrady. Aldymyzda úlken mindetter tur. Holdıng iske asyratyn memlekettik baǵdarla­ma­lar­dyń sany artýda. Aldyńǵy kezekte – agroóner­kásiptik keshendi damytýdyń memlekettik baǵdar­lamasy. Bizdiń mindetimiz – qosylý prosesin fer­mer­­lerimiz asa sezinbeıtindeı etip, barynsha aýyrt­­palyqsyz ótkizý. «QazAgronyń» aldynda tur­ǵan barlyq mindet, onyń ishinde kóktemgi egis ju­mystary, mal sharýashylyǵyn, ósimdik sharýa­shy­lyǵyn qoldaý jáne taǵy basqa mindetter bizge ótip, nazardan tys qalmaıdy. Jumys tıimdi ári sapaly bolý úshin bar kúshimizdi salamyz, – dedi «Báıterek» UBH» AQ basqarma tóraǵasy Aıdar Áriphanov.

Qazirgi ýaqytta qaıta uıymdastyrý boıynsha barlyq qajetti korporatıvtik sheshimder qabyldanyp, «QazAgro» holdınginiń aktıvterin túgendeý jumysy aıaqtaldy.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar