«Áleýmettik mańyzy bar taýarlardyń baǵasyn ustap turý boıynsha óńirlerdiń jaýapkershiligin atap ótken jón. Olardyń jumysyn taldaý qorytyndylary boıynsha mınıstrlik 1-toqsanda atqarylǵan jumys týraly aqparat engizedi jáne sharalardyń naqty nátıjeleri bolmaǵan jaǵdaıda biz ákimderiniń jetekshilik etetin orynbasarlaryn jaýapkershilikke tartý týraly máselege bastamashy bolamyz», dedi agroónerkásiptik keshendi damytýdyń negizgi baǵyttary jáne ınvestısııalyq jobalardyń iske asyrylýy týraly baıandaǵan Baqyt Sultanov.
Onyń aıtýynsha, azyq-túlik baǵasyn turaqtandyrýda naryqtyń forvardtyq satyp alý jáne «aınalym shemasy» syndy quraldary tıimdiligin kórsetip otyr. Búgingi tańǵa jergilikti bıýdjetterden atalǵan quraldarǵa 21,9 mlrd teńge bólindi.
«Tetik tıimdi, degenmen naryqqa aıtarlyqtaı áser etý úshin qarjylandyrýdy keńeıtý qajet. Otandyq óndirýshilermen kelisimsharttardy «qolmen basqarý» rejıminde júrgize otyryp, jelilerge arzandatylǵan kredıtterdi 50 mlrd teńgege deıin ulǵaıtý kerek», dedi ol.
