Aımaqtar • 02 Naýryz, 2021

Aqmola oblysynda aýyl mektebine jańa avtobýs tabys etildi

4 ret kórsetildi

О́ńirde mektep oqýshylaryn tasymaldaý máselesi óte ózekti. Búgingi kúni tórt myńnan astam oqýshy qatynap oqýǵa májbúr. Kúrdeli istiń ońynan sheshilýine kásipkerler qol ushyn  sozyp, kómek berýde, dep habarlaıdy Egemen.kz.

Taıaýda «RG GOLD» kásiporny aýyl mektebine jańa avtobýs syılady. Jalǵyz oqýshylar ǵana emes, olardyń ata-analary úshin de jan jadyratar jomarttyq aq túıeniń qarny jarylǵanmen birdeı aıtýly oqıǵa boldy. О́ıtkeni, boran-shashyny kóp, qyraý qabaqty qysta jas balalardy ondaǵan shaqyrym jerge tasymaldap oqytý ońaı-ospaq sharýa emes. Burynǵy kónetoz avtobýs ábden tozyǵy jetken, júrgennen turǵany kóp kólik bolatyn. Avtobýs jańartýǵa qarajat ta tabylmaı keldi. Endi mine el bolashaǵyn oılaǵan isker jandar jas tolqynǵa janashyrlyq jasap otyr.

–Aýyldyń 11 oqýshysy qatynap oqýshy edi, – deıdi Karamyshev aýyldyq okrýginiń ákimi Sáýle Dánıeva, – Mat aýylynan Shubaraǵash orta mektebine alty oqýshy, Sývorovka aýylynan Novobratsk orta mektebine bes oqýshy tasymaldanatyn. Kásipkerlerdiń qoldaýymen Shubaraǵash orta mektebine syılanǵan jańa «Gazel» oqýshylardyń sabaqtan qalmaýyna, qaýip-qatersiz bolýyna septigin tıgizbek.

Mektep dırektory Ivan Ryblerdiń aıtýyna qaraǵanda, jergilikti jurtshylyq janashyr jandardyń qamqorlyǵyna dán razy. Sóz arasynda aýdandaǵy 18 eldi mekennen jalpy bilim beretin mektepterge 223 oqýshynyń tasymaldanatynyn aıta ketelik.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar