ADAM BOL AWARDS júldesiniń quryltaıshysy – qoǵam qaıratkeri, Qoǵamdyq mańyzdy bastamalar Qorynyń jetekshisi, ádebıet pen óner salasyndaǵy Memlekettik syılyqtyń laýreaty Álııa Nazarbaeva.
Marapattaý saltanatyna Almaty qalasy ákimi Baqytjan Ábdiruly Saǵyntaev, QR Halyq ártisi Jánııa Áýbákirova, kınoaktrısa Almıra Tursyn, kompozıtor Renat Gaısın, qaznet batyry, qostanaılyq polısııa qyzmetkeri Amantaı Baıjanov, grossmeıster jáne Máslıhat depýtaty Jansaıa Ábdimálik qatysty.
ADAM BOL AWARDS qazaqstandyq júldesi eshqandaı qıyndyqtan qoryqpaı, naǵyz batyrlyq kórsetken adamdarǵa arnalǵan. Júlde laýreattary adam boıyndaǵy márttik, jomarttyq, erlik, meıirim men ádildik, mahabbat pen danalyq, senim men úmit sııaqty asyl qasıetterimen erekshelendi. Kópshiliktiń daýys berýi men júldeniń sarapshylar keńesiniń sheshimi boıynsha jeńimpaz atanǵan laýreattar qatarynda Nadır Omarǵazıev, Qazaq Ulttyq О́ner ýnıversıteti kolledjiniń stýdenti Imanǵalı Baımyrza, Nur-Sultan qalasy, 7-synyp oqýshysy, Jan-janýarlardy qorǵaýshy Sergeı Snıgırev, Almaty. Qazaqstannyń Ulttyq gvardııasynyń áskerı qyzmetkeri Andreı Petrov, Aqtóbe; Aqbota Amanǵalıeva, Aqtóbe qalasy, kásipker; Erjan Amarhanov, Semeı qalasy, grek-rım kúresiniń jattyqtyrýshysy; Ardaq Baımanasov, Aqtaý qalasy, eńbek uıymdastyrý boıynsha bas ınjener; Artem Borovıkov, О́skemen qalasy, stýdent; Aleksandr Shahov, Temirtaý qalasy, óndiristik alpınıst; Álıakbar Iýldashev, Túrkistan qalasy, jumysshy; Aleksandr Jýmabaev, Pavlodar qalasy, KAMAZ júrgizýshisi bar.
ADAM BOL AWARDS qazaqstandyq júldesiniń saltanatty marapattaý keshinnde 12 laýreat ózara jabyq daýys berý arqyly aralarynan naǵyz laıyqty jeńimpazdy MYQTY ADAM ataǵyna laıyq dep tapty. Júldeniń eń qurmetti ataǵyna óskemendik Artem Borovıkov laıyq dep tanyldy. Jeńimpazdardyń árqaısysy óz ómirlerin qaýipke tige otyryp, adam ómirin qutqaryp qalǵan jandarǵa júlde quryltaıshysy atynan 1 mln teńge qarjylaı syılyq berildi.
Laýreattardy qoldap, jyly lebiz bildirý úshin marapattaý keshine Qazaqstannyń eń jas kompozıtory Nurálı Beıseqoja, Mezzo toby, «Slavıanskıı bazar v Vıtebske» baıqaýynyń jeńimpazy Amre, Qazaqstannyń eńbek sińirgen qaıratkeri Maıra Muhammedqyzy, Qazaqstannyń eńbek sińirgen qaıratkeri Súndet Baıǵojın jáne taǵy basqalar qatysty.
Jarty jyldan astam ýaqytqa sozylǵan jumys nátıjesinde Saıyn Muratbekovtyń «Túngi jaýyn», «Áje», «Birinshi qar», «Qysqy kesh», «Jastardyń otaýy», «Muqtardyń búrkiti», taǵy da basqa áńgimeleri, povesteri men novellalary aǵylshyn tiline aýdarylyp, osy jınaqqa toptastyrylyp otyr. Jınaqty aǵylshyn tiline aýdarǵan aǵylshyn aýdarmashysy Saımon Hollıngsvord bolsa, redaktory Saımon Geıgan. Bul qos avtordyń Pen-klýbpen jasaǵan alǵashqy jumysy emes. Buǵan deıin Muhtar Áýezovtyń povesteri men áńgimeleri, Oralhan Bókeıdiń «Kisikıik», Sáken Júnisovtyń «Zamanaı men Amanaı», taǵy da basqa qazaq klassıkteriniń kórkem shyǵarmalary aǵylshyn tiline aýdarylǵany belgili. Basylymdy kórkem bezendirgen dızaıner Madına Nııazbaeva. Shyǵarmashylyq ókilderiniń zııatkerlik yntymaqtastyǵyn keńeıtý, halyqaralyq ádebı qoǵamdastyqqa qazaqstandyq mádenıetti damytý maqsatynda 1993 jyly qurylǵan Qazaq PEN-klýby kúni búginge deıin kóptegen qazaq qalamgerleriniń shyǵarmalaryn aǵylshyn tiline aýdaryp, nasıhatymen aınalysyp keledi. Qazaq PEN-klýby Londondaǵy búkilálemdik jazýshylar qaýymdastyǵy – Halyqaralyq PEN-klýbtyń múshesi. IýNESKO-da jáne BUU-da keńesshilik mártebesi bar.
Kitaptyń tusaýkeser rásimine Saıyn Muratbekovtyń uly Mádı Saıynuly, Quralaı Saıynqyzy, sonymen birge Fılosofııa, saıasattaný jáne dintaný ınstıtýtynyń dırektory Serik Seıdýmanov, qalamgerler Smaǵul Elýbaı, Qýandyq Túmenbaı, Mereke Qulkenov, Júsipbek Qorǵasbek, Úmit Tájken, Erbol Jumabaev, kınodramatýrg Satybaldy Narymbetov, kınorejısser Sergeı Azımov, ádebıet zertteýshisi Svetlana Ananeva, taǵy basqalar qatysyp, jazýshy shyǵarmashylyǵyna qatysty oılarymen bólisti.
Halyqaralyq Qazaq PEN-klýbynyń prezıdenti Bıgeldi Ǵabdýllınniń aıtýynsha, aldaǵy ýaqytta bul jınaq «Biz – qazaqtar... Qazaq ádebıetiniń klassıkasy» úzdik shyǵarmalar serııasymen jalǵasyn taba beretin bolady. 250-300 danamen basylatyn qazaq qalamgerleriniń shyǵarmalary Amazon ınternet-dúkeninde ornalastyrylyp, Oksford, Kembrıdj, London ýnıversıtteriniń kitaphanalarynan oryn alýda. Bul óz kezeginde qazaq ádebıetiniń álemdik qaýymdastyqtaǵy bedelin arttyra túsedi. Osy oraıda otandyq ádebıetimizdiń ozyq úlgilerin Batys órkenıeti ǵana emes álem tanı bastady deýge negiz bar. Degenmen de, ulttyq ádebıetimizdi shetelderde nasıhattaý isine úlken qoldaý qajet. Naryqtyq ekonomıka jaǵdaıynda kitap rýhanı qundylyq qana emes, taýar retindegi de sapasy joǵary bolýy kerek. Osy turǵydan alǵanda shyǵarmalarymen birneshe urpaq sýsyndaǵan ulttyq ádebıetimizdiń jaýharlary álemdik qaýymdastyq aıasynda nasıhattalyp jatsa nur ústine nur.
