Ákim suıytylǵan gaz tapshylyǵynyń týyndaýyna jol bergen jaýapty tulǵalardyń salǵyrttyǵyna synǵa aldy.
«Jaýapty basqarma basshylary máseleniń ýshyǵýyna jol berip otyr. Energetıkaa mınıstrligi men «Atyraý munaı óńdeý zaýyty» JShS-men tyǵyz baılanys jasap, máseleni ýaqtyly rettegende mundaı jaǵdaı bolmas edi. Osyndaı olqylyqqa tikeleı jaýapty tulǵalarǵa qyzmettik shara qoldanylady», dedi Mahambet Dosmuhambetov.
Oblystyq energetıka jáne turǵyn úı-kommýnaldyq sharýashylyq basqarmasysy basshysynyń orynbasary Danııar Muqyshevtyń aıtýynsha, Energetıka mınıstrliginiń josparyna sáıkes, aqpanda naýryz aıy úshin oblysqa qajetti 4600 tonna suıytylǵan gaz berý týraly keste jiberilgen. Biraq, Atyraý munaı óńdeý zaýyty jóndeý jumystarynyń júrgizilýine baılanysty tıisti suıytylǵan gazdy bere almaı otyr. Osyǵan baılanysty ózge kompanııalardan 4500 tonna tonna gaz satyp alynbaq.
Atyraý oblysynda suıytylǵan gazmen júretin avtokólikter táýligine shamamen 150 tonna gaz tutynady.
