Shuǵyl sheshim qabyldanyp, oqıǵa ornyna Almaty qalasy Qutqarý qyzmetinen quramynda 8 adam, izdeý ıtimen birge 1 kınolog jáne Tótenshe Jaǵdaılar mınıstrligine tıesili RJQJ 15 qutqarýshy, izdestirý ıtimen bir kınolog jumyldyrylady.
Izdestirý-qutqarý jumystary aıasynda, uıaly baılanys operatorlarynyń qol jetimdi aımaǵynda bolǵan sátte týrıster baılanysqa shyǵyp, olarda bári jaqsy ekenin jáne kólbeý baǵytta júretin jol tapqandary jaıynda habarlaǵan.
Alaıda táýliktiń qarańǵy ýaqyty men soqpaq boıymen qıyn qar men muzdyń túsýi, týrısterdiń jaraqat alýyna ákelýi múmkin ekenin eskere otyryp, qutqarýshylar 4 adamnan turatyn, 109 Qyzmetiniń bir tobyn kezdesýge jiberip, olardy qaýipsiz jerge shyǵaryp salýǵa sheshim qabyldanady.
Qutqarýshylar teńiz deńgeıinen 2050 metr bıiktikte «Prosveshenes» shıpajaıy aımaǵynda adasqandarmen kezdesip, barlyǵynyń jaǵdaıymen tanysyp, olardy bulaq janynda kútip turǵan kólikke deıin shyǵaryp saldy.
Ile Alataýynyń taýlaryndaǵy qaıǵyly oqıǵalardan keıin, týrıster adasyp, qutqarýshylarmen jáne týystarymen baılanys úzilip, qaıtys bolǵan sátterdiń oryn alǵanyna baılanysty Almaty qalasynyń qutqarýshylary qala turǵyndary men megapolıs qonaqtaryna qaýipsizdiktiń tehnıkasyn árdaıym saqtaýdy eskertip, taýǵa kóterilip, keri túsetin ýaqytty aldyn-ala josparlaýdy suraıdy.
