Aımaqtar • 04 Naýryz, 2021

Jarylysqa gaz ballondar sebep boldy

126 ret kórsetildi

24 aqpan kúni túnge qaraı Muǵaljar aýdany Muǵaljar eldi mekenindegi jeke turǵyn úıde gaz ballony jarylyp, osy úıdiń 11 jastaǵy balasy oqıǵa ornynda qaıtys boldy. Qazirgi ýaqytta 52 jastaǵy úı ıesi men onyń 22 jastaǵy úlken balasy oblystyq jedel járdem aýrýhanasynda jatyr. Qaıǵyly oqıǵaǵa úı ıesiniń dalada aıazda saqtalǵan 50 lıtrlik gaz ballonyn úıge kirgizýi sebep bolǵan. Tyǵyzdalyp toltyrylǵan jabyq ydys bir jarym saǵattan keıin jarylysqa ákep soqtyrǵan.

Osy oqıǵadan eki kún ótkende, 27 aqpanda Temir aýdany Sarkól aýylynyń eki turǵyny óz úıinde gazdan ýlanyp qaıtys boldy. Aqpannyń 25-i kúni Hromtaý aýdanynyń Kóktaý aýylynyń eki turǵyny gazdan ýlanyp, aýdandyq aýrýhananyń jansaqtaý bólimine jatqyzyldy. 3 qańtarda Qobda eldi mekenindegi turǵyn úıde bes lıtrlik gaz ballony jarylyp, lezde úı órtke oranǵan. О́rtten osy úıdiń eki adamyn kúıik shalǵan. Olar qazir Qobda aýdandyq aýrýhanasynda em alyp jatyr. Bul oqıǵaǵa da tyǵyzdala toltyrylǵan suıyqtyqtyń jylý qysymynan kólemi artyp, ydysqa syımaýy sebep boldy. Dál osy kúnderi Yrǵyz eldi mekenindegi bir úıde de 5 lıtrlik gaz ballony jarylyp, ile-shala úıden órt shyqqan. Bul oqıǵalar bir-birimen óte uqsas, bári de jeke adamdardyń aıazda qatyp turǵan gaz ballondaryn úıge kirgizgennen keıin oryn aldy. Gaz ballondarynyń bar­lyǵy da avtokólikke gaz quıý be­ketterinde toltyrylǵan eken. Oblystyq Tótenshe jaǵdaılar departamenti mamandarynyń aldyn ala jasaǵan qorytyndysy osy jaǵdaılardy anyqtapty.

Eger mamandandyrylǵan gaz quıý beketterinde turmystyq maqsatta qoldanylatyn gaz bal­londaryn toltyrý erejesi qa­tań qadaǵalansa, kólikterge gaz quıý beketterinde bul tártip saq­tala bermeıdi. Kólikke gaz toltyrýdy janarmaı quıýmen birdeı sanaıtyn operatorlar jurttyń qolyndaǵy ballondardy aýzy-murnyna deıin tol­tyryp beredi. Munyń artyn oılap jatqan eshkim joq. Jyl bastalǵaly tórt adamnyń óli­mimen aıaqtalǵan osy oqıǵalar gaz quıý beketteriniń jumysyn muqııat tekseristen ót­kizýdi kún tártibine qoıyp otyr.

Onyń ústine, kópshilik tur­ǵyndar gazdy saqtaý men ony paıdalaný nusqaýlyqtaryn oryndaı bermeıdi. Gaz ballondaryn jylytý qurylǵylaryna jaqyn jerge qoıýǵa, kóp páterli úıdiń balkonynda saqtaýǵa bolmaıtynyn kópshilik bilse de oryndamaıdy. Osydan kó­rinip turǵandaı, eki aıdyń ishinde tórt adamnyń ajalyna sebep bolǵan oqıǵalarda adam­dar­­dyń salǵyrttyǵy men gaz quıatyn mekemelerdiń ja­ýap­syz­dyǵy jatyr. Sondaı-aq ob­lystyq Tótenshe jaǵdaılar de­­partamentiniń mamandary gaz­ben júretin avtokólik ishinde tu­tanǵan órt oqıǵalarynyń jıi­­­legenin habarlaıdy. Oǵan kó­­binese avtokólikterdiń gaz quıa­­tyn bólikterindegi aqaýlar sebep bolǵan.

Sońǵy jańalyqtar

Uly dalanyń ulaǵaty

Aımaqtar • Búgin, 12:23

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Uqsas jańalyqtar