Qoǵam • 04 Naýryz, 2021

Qazaqstan elshisi Máskeýdegi Baýyrjan Momyshuly atyndaǵy mektepte boldy

6 ret kórsetildi

Elshi Ermek Kósherbaev bastaǵan Qazaqstannyń Reseıdegi elshiliginiń delegasııasy Máskeýdiń Zelenograd ákimshilik aýdanyndaǵy Baýyrjan Momyshuly atyndaǵy №1912 orta mektepte boldy, dep habarlaıdy Egemen.kz.

Eske alý rásimi kezinde dıplomattar mektep aýlasynda ornatylǵan batyrdyń bıýstine gúl shoqtaryn qoıyp, B.Momyshuly men aty ańyzǵa aınalǵan Panfılov dıvızııasyna arnalǵan mektep murajaıynyń kórmesimen tanysty.

Oqytýshylarmen jáne oqýshylarmen kezdesýde E.Kósherbaev qazaq batyrynyń esimin este saqtaǵany úshin rızashylyǵyn bildirip, búgingi beıbit ómirge qandaı qıyndyqpen kelgenimizdi umytpaýǵa shaqyrdy. Sonymen qatar, jas urpaqty eldiń bostandyǵy men táýelsizdigi úshin janyn qıǵan erlerdiń erligi men adaldyǵy úlgileri boıynsha tárbıeleýdiń mańyzdylyǵyn atap ótti.

О́z kezeginde mektep dırektory Andreı Kýrsakov qazaqstandyq áriptesterimen soǵys batyrlarynyń esimin máńgi este qaldyrýdaǵy birlesken jumystary týraly aıtyp berdi. Atap aıtqanda, jaqynda Baýyrjan Momyshulynyń 110 jyldyǵyna oraı tájirıbe jáne materıaldar almasý boıynsha onlaın-konferensııa ótti. Sonymen qatar, mektep mýzeıiniń kórmesin sıfrlandyrý jáne jyl sońynda qazaqstandyq mekteptermen telekópir uıymdastyryp, Máskeý úshin bolǵan shaıqastyń 80 jyldyǵyn atap ótý josparlanyp otyr.

8-synyp oqýshysy Evgenıı Vorobevtiń aıtýynsha, mektep mýzeıine, Momyshulynyń ómiri men qyzmeti týraly semınarlarǵa tek óz oqýshylary ǵana emes, sonymen qatar jaqyn mańdaǵy mektepterdiń oqýshylary da qatysady, al ótken jyldyń qarasha aıynda Batyrdyń shaıqastarynyń baǵyttary boıynsha ekskýrsııa jasaldy. «Men Momyshulynyń jeke basyna tántimin, ol kórnekti áskerı jáne qoǵam qaıratkeri boldy. Onyń áıgili «Momyshuly spıraly» áskerı taktıkasyna tek keńes qolbasshysy Konstantın Rokossovskıı ǵana emes, sonymen birge maıdandaǵy qarsylas-nemis generaly Erıh Gepner de joǵary baǵa berdi», – dedi E.Vorobev.

Máskeý qalasyndaǵy Zelenograd okrýgindegi №1912 mektepke Baýyrjan Momyshulynyń esimi 2010 jyly Jeńistiń 65 jyldyǵy men batyrdyń 100 jyldyǵyn merekeleý aıasynda Qazaqstannyń Reseıdegi Elshiliginiń qoldaýhaty boıynsha berildi. Dál osy mektepti tańdaý Krıýkovo kentiniń mańynda 1941 jyly Máskeýdi qorǵaý kezinde qandy shaıqastar bolǵandyǵymen baılanysty, onda quramynda Baýyrjan Momyshuly soǵysqan Panfılov dıvızııasynyń jaýyngerleri óshpes erlik jasady. 2010 jyly Qazaqstan Elshiliginiń kómegimen B.Momyshuly atyndaǵy mektep mýzeıi quryldy, onyń qola bıýsti de osynda ornatyldy.

Sońǵy jańalyqtar

Elordada dámhanadan órt shyqty

Elorda • Búgin, 16:21

Aldaǵy apta kún jylynady

Aýa raıy • Búgin, 12:57

Kósh basynda – «Manchester Sıtı»

Fýtbol • Búgin, 12:21

Súıispenshilik sabaǵy

Aımaqtar • Búgin, 12:15

Almatyda aıaldamadan náreste tabyldy

Qoǵam • Búgin, 11:34

It asyraýdyń da óz erejesi bar

Qoǵam • Búgin, 11:00

Elordada kún jylyna bastaıdy

Aımaqtar • Búgin, 10:57

Túrmege kitap syılady

Aımaqtar • Búgin, 10:10

Jetisý dıqandary jer ıgerip jatyr

Aımaqtar • Búgin, 10:07

Qostanaıda aýa sapasy nasharlaıdy

Aýa raıy • Búgin, 09:05

Jaqsynyń aty ólmeıdi...

Rýhanııat • Búgin, 08:31

Otandyq vaksınany qoldaný josparda bar

Medısına • Búgin, 08:20

Teńdik túbi – birlik

Elbasy • Búgin, 08:03

Aıaq kıimdi sıfrly tańbalaý engiziledi

Tehnologııa • Búgin, 07:49

Jeke kýáliktiń qajeti bolmaıdy

Saıasat • Búgin, 07:47

Kólik quralynyń elektrondy pasporty

Tehnologııa • Búgin, 07:45

Taldynyń mańyn tazartty

Rýhanııat • Búgin, 07:38

Jol ústindegi muztaý

Oqıǵa • Búgin, 07:34

Taldyqudyq neden taryqty?

Aımaqtar • Búgin, 07:33

Qaı eldiń sardarlaryn daıarlap júrmiz?

Aımaqtar • Búgin, 07:30

Uqsas jańalyqtar