Atalǵan málimdeme shyndyqqa janaspaıdy. COVID-19 sózi – bul abbrevıatýra. Aǵylshyn tilindegi tolyq nusqasy – COronaVIrus Disease 2019. Qazaq tiline aýdarǵanda «2019 jylǵy koronavırýstyq ınfeksııa» degendi bildiredi. Iаǵnı SARS-CoV-2 koronavırýsy týdyratyn aýrýdyń ataýy.
Aıta keteıik, SARS-CoV-2 ‒ «aýyr jedel respıratorlyq sındromnyń koronavırýsy-2» termıniniń qysqartylǵan ataýy.
COVID termıni ótken jyldyń sáýir aıynda aǵylshyn tilindegi birneshe túsindirme sózdikterge engizildi. Mysaly, Vebster jáne Oksford sózdiginde derekter keltirilgen.
Al Instagram qoldanýshylary bólisip júrgen nusqaǵa keletin bolsaq, ol oıdan shyǵarylǵan. «Mal» degendi bildiretin COV sózi eshbir tilde joq. Ol burmalanǵan cow (sıyr) aǵylshyn sózine uqsaıdy.
ID — bul da aǵylshyn tilindegi identifier (ıdentıfıkator) sóziniń abbrevıatýrasy – nysandy basqalardan ajyratýǵa, ıaǵnı sáıkestendirýge múmkindik beretin erekshe belgi. Budan feık habarlamanyń avtorlary vaksınasııany «chıpteýmen» salystyratyn qastandyq teorııasyn qoldaıdy dep qorytyndy jasaýǵa bolady.
