Aımaqtar • 05 Naýryz, 2021

«Altyn alqaly» Aıym

613 ret kórsetildi

Shańyraǵyn bala únimen shattandyrǵan altyn qursaqty analarymyzdyń jolyn jalǵaǵan jastardyń biri – shalqarlyq «Altyn alqa» ıegeri Aıym Súıeýqulova. Joldasy Azamat ekeýi ómirge 9 bala ákelip, olardy qatarynan qaldyrmaı baǵyp, tárbıelep otyr. Toǵyzynshy perzenti Sanjar búginde toǵyz aılyq bolsa, tuńǵyshy Nazym 8-synyp oqýshysy. Aralarynda Aıda, Aısha esimdi egiz qyzdary bar.

– Ekeýmiz de Shalqardyń týmasymyz, bir mektepten bilim aldyq, bir-birimizdi bala kezden tanımyz desek te bolady. Osy tanystyǵymyz eseıgen shaqta mahabbatqa ulasyp, otaý qurdyq. Kóp balaly otbasy atanýdyń ata-anaǵa júkter jaýapkershiligi de mol. Jubaıym ekeýmiz kúndelikti tirlikte kezigetin qıyndyqtarǵa moıymaı, bárine túsinistikpen qaraýǵa tyrysamyz. Bizge bala­lar­dyń shat kúlkisin kórýden asqan qýanysh joq, baılyǵymyz da osy – sońymyzdan ergen kish­kentaılarymyz.  «Ár balanyń óz nesibesi bar» demekshi, kóz al­dymyzda aman júrip, eseıse boldy,– deıdi 30 jastaǵy kóp balaly ana.

Keıde kóp balaly otbasylarmen tildeskende olardyń tarapynan bir muqtajdyǵy  aıtylyp, bir sálemdemesin jetkizetin bolyp mindet arqalap qaıtatynsyń. Bul jolǵy keıipkerlerimizden barǵa qanaǵat, joqqa sabyr tile­gen  qarapaıymdylyqty kór­dik. Aıymnyń  aspazdyq ma­man­dyǵy bar. Biraq turmys qur­ǵaly osy Alla syılaǵan bó­pe­leriniń tárbıesimen úıinde otyr. Solardyń sabaqtaryna qa­raı­dy, balabaqshaǵa apara­dy, onda uıym­dastyrylatyn túrli sharalarǵa qatysyp, balalaryn qýantady. Qaıyrymdy­lyq ak­sııalaryna da óz úlesterin qo­sý­dy ata-analyq boryshtaryna sanaıdy.

Aıym – «Balasy atqa shapsa, úıde otyryp taqymyn qys­­qan» ilkidegi altyn qur­saq­ty ana­­lardyń jurnaǵy eke­ni daý­­­syz. «Aǵa, bizdiń ot­ba­­sy tý­raly jazsańyz bal­a­la­rym-
nyń jetistikterin de qaldyrma­ńyz­shy...» dep ótindi. Bala jetis­tigi – ata-ana qýanyshy degen osy.

Mektepke baratyn beseýi de oqý ozattary,  sporttan jaqsy kórsetkishteri bar. Úlkeni Nazym bos ýaqytynda Oqýshylar sara­ıyndaǵy qolóner úıirmesine qa­tysady. Ol usaq monshaqtarmen toqýǵa kishkentaıynan  beıim eken. Qazir sol qabiletin úıirmege qatysyp, shyńdap júr. Ánýar esimdi uldary №1 Shalqar  balalar men jasóspirimder  sport mektebinde grek-rım kúre­si­nen úıirmege qatysady, al Gúl­­bar-­­
shyn esimdi qyzdary №2 bala­lar men jasóspirimder sport mektebinde dzıýdomen shuǵyl­dan­ady. Sportqa ıkemdi osy ekeýi aýdandyq, oblystyq, respýb­lıkalyq saıystarda birneshe márte júldeger atanyp, medal­d­ar ıelengen. Egiz qyzdary mek­tepishilik bilim báıgelerinde jaq­sy nátıejeler kórsetip, ozat oqý­shylar qatarynda tur.

№6 orta mektebiniń 3-syny­bynda oqıtyn dzıýdoshy Gúl­barshyn «Men bolashaqta kim bo­la­myn?» degen taqyrypta jaz­ǵan shyǵarmasynda «Eń aldy­men adamgershiligi mol jaqsy adam, bilimdi oqýshy, elimniń pat­rıoty bolǵym keledi...», dep bastap, on saýsaǵynan óneri tamǵan sheber bolǵym keledi dep oıyn túıindepti. О́ıtkeni bul áýlettiń arǵy atalarynda ismerlik qasıet bar eken. Osy  shyǵarmasy ótken jyly «Qazaqstannyń 100 úzdik daryndy oqýshysy» atty respýblıkalyq baıqaýdyń materıaldar jınaǵyna enip, elimizdegi «Bilim-orkenieti» ult­tyq ınnovasııalyq ǵylymı-zertteý ortalyǵy bekitken «Qa­zaqstan Respýblıkasynyń daryndy oqýshysy» atty tósbelgisi men kýáligin ıelenipti.

Oqýǵa zeıindi, ónerge qush­tar órenderdiń ákesi Azamat Hadım­jan qazir «Kazteleradıo» AQ-nyń Shalqar teleortalǵynda ju­mys isteıdi. Erge laıyqty istiń qaı-qaısyna da qolynyń eptiligi bar 36 jastaǵy áke  balalary­nyń armandary oryndalatynyna senedi.

 

Muhtar MYRZALIN,

Qazaqstan Jýrnalıster odaǵynyń múshesi.

 

Aqtóbe oblysy,

Shalqar aýdany

 

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Tasqynǵa qarsy ázirlik oıdaǵydaı

Oqıǵa • Búgin, 07:40

Aq úıdiń alǵashqy meımany

Álem • Búgin, 07:38

Uqsas jańalyqtar