Qoǵam • 05 Naýryz, 2021

Názik te erjúrek arýlar

65 ret kórsetildi

Elimizdiń damýyna er azamattarmen qatar úles qosyp júrgen názik jandylar óte kóp. Olardyń ǵylymda da, shyǵarmashylyqta da, sportta da, saıasatta da ózindik oryndary bar. Prezıdent Qasym Jomart Kemeluly Toqaev otbasy ınstıtýtyn, kóp balaly analardy, kásipker áıelderdi qoldaý jáne genderlik teńdikti qamtamasyz etý – memlekettik saıasattyń asa mańyzdy basymdyǵy ekendigin atap kórsetken bolatyn.

Tótenshe jaǵdaılar qyzmeti týraly sóz qozǵalǵan kezde árbir adam erjúrek jáne batyl er azamattardy eske alady. Biraq bul salada názik jandylar da qyzmet atqaryp júr. Azamattyq qorǵaý organdary júıesinde áıelder ártúrli mamandyqtarda jumys isteıdi. Olardyń da eńbegi mańyzdy. Názik jandylar er azamattarǵa tán mamandyqty adal da, qaısarlyqpen atqaryp, elimizdiń azamat­tary men aýmaǵyn ártúrli sıpattaǵy tótenshe jaǵdaılardan qorǵaıdy.

Azamattyq qorǵaý organdaryndaǵy qyzmet atqarý úshin áıel adamdar naqty daǵ­dylardy meńgerýi qajet. Kásibı ja­ǵy­­­­nan alǵanda da, olar er azamattardan kem tús­­peı­di. Keı kezderi tipti óz jaýapkershiligi­­-
men er a­zamattardan asyp túsedi.

Búgingi kúni azamattyq qorǵaý organdarynda 3452 áıel qyzmet atqarady, ıaǵnı, olar jeke quramnyń 11%-yn quraıdy, onyń ishinde 1509 áskerı jáne attestattalǵan qyzmetshi, 1534 azamattyq qyzmetshi, 409 ákimshilik memlekettik qyzmetshi bar. Salada qyzmet atqaryp júrgen áıelderdiń ortasha jasy – 39. Júıede 4 jáne odan kóp balasy bar 137 ana bar. 84 áıel qatardaǵy mamannan basshylyq quramǵa deıingi laýazymda qyzmet atqarady. 59 áıel adam órt sóndirýshi jáne qutqarýshy otbasylyq áýletin jalǵastyrdy. 43 áıel adam osy júıede 30-dan astam jyl boıy qyzmet atqaryp keledi.

Názik jandy áriptesterimizdiń arasynda er azamattarǵa tán mamandyqta qyzmet atqaryp júrgen qyz-kelinshekterdi atap ótken jón. Azamattyq qorǵaý organdarynda ushqysh, kınolog, qutqarýshy, dıspetcher, radıotelefonıst, ınspektor, TJ basqarmalarynyń, bólimderiniń bastyqtary, psıholog, medık áıel adamdar qyzmet atqarady. Áıel adamdar ortalyq apparatta da  óz qyzmetin kórsetýde. О́rt-qutqarý sporty boıynsha chempıon bolǵan jáne rekord jasaǵan áıelder de bar.

Tótenshe jaǵdaılar qyzmeti júıesinde 720 dıspetcher, 401 medısına qyzmetshisi, 156 basshy, 72 psıholog, 70 qutqarýshy, 9 órt sóndirýshi, 6 kınolog, 2 ushqysh áıel  qyzmet atqarady. Ártúrli qyzmetterden 129 áıel  TJ ornyna shyǵady. 108 ınspektor áıel órt qaýipsizdigi jáne azamattyq qorǵanys obektilerin tekserýdi júzege asyrady.

Salada jas áıelder de az emes. Má­se­len, Nur-Sultan qalasy TJD №3 maman­dandyrylǵan órt sóndirý bóliminiń aǵa baı­lanys sheberi, qatardaǵy azamattyq qor­ǵaý qyzmetshisi Dıana Nazarenko men «О́rt sóndirýshi» AQ Qaraǵandy oblysy fılıalynyń №10 órt avarııalyq-qutqarý bóliminiń radıotelefonısi Iraıda Seıdahmettiń jasy jıyrmadan ǵana asty.

Al eń jasy úlken áıel mamandar: 1947 jyly týǵan Apattar medısınasy or­ta­ly­ǵynyń shuǵyl medısınalyq kómek kór­setý bóliminiń basshysy A.Qojabaeva, 1953 jyly týǵan Qaraǵandy oblysy TJD О́rt sóndirý jáne avarııalyq-qutqarý ju­mys-­
tary qyzmetiniń tehnıkalyq qyzmet kór­setý bólimi basshysynyń orynbasary Zoıa Shabovta, 1955 jyly týǵan Pavlodar ob­lysy «О́rt sóndirýshi» AQ fılıalynyń «Kom­panııa Neftehım LTD» JShS obek­ti­­lerdi kúzetý jónindegi avarııalyq-qut­qarý qyzmetiniń aǵa nusqaýshysy Nazarchýk Irına.

О́rt sóndirýshiler men qutqarýshy­lar kún saıyn qıyn jaǵdaıǵa tap bol­ǵan adamdarmen kezdesedi, óz ómirin qaýip­ke tigip, zardap shekken adamdarǵa kó­mek kórsetedi. Olardyń arasynda órt sóndirýge shyǵatyn birli-jarym áıel adamdar da bar.

Alaıda saladaǵy áıelderdiń negizgi bóligi ózderiniń qyzmettik mindetteri aıasynda mańyzdy fýnksııalardy minsiz ­oryndaıdy. Atap aıtqanda, qajetti aqpa­rat­ty qabyldaıdy jáne beredi, materıal­dyq-tehnıkalyq jaraqtandyrýdy qam­tama­syz etedi, órttiń týyndaýynyń aldyn alý maqsatynda kúzetiletin obektiler­di ­ınspeksııalaıdy. Sondaı-aq keńse ju­­mysy, jumysqa qabyldaý, jalaqy esepteý sııaqty mańyzdy baǵyttarda da qyz­­met etedi. Jalpy, júıedegi jumys uıym­shyldyqty, oryndaýshylyqty, jaýap­kershilikti, adal­dyqty talap etedi.

Árbir mamandyqtyń ózine tán qıyn­dyqtary bolady. Dıspetcherlerde – bul úsh táýlik saıynǵy kezekshilik, úlken qaýyrt jáne jaýapkershilik jaǵ­da­ıyn­da jumys isteý, órttiń aldyn alý. Bólim­sheniń ınjenerleri kúzeti­letin obek­tilerdi ınspeksııalaıdy, psı­ho­log­ter oqıǵalar aımaǵyndaǵy adam­dar­ǵa shuǵyl psıhologııalyq kómek kórse­tedi.

Qyzmettik paryzǵa adaldyq, maman­dyqqa degen súıispenshilik, erik-jiger jáne el­gezektik qutqarý vedomstvosynyń qyz­met­kerlerine ózderiniń qıyn jumys­ta­ryn laıyqty oryndaýǵa múmkindik beredi.

Salada qyzmet barysynda erekshe tabystarǵa qol jetkizgen áıelder bar­shy­lyq. Buǵan olardyń atqaryp otyrǵan basshylyq laýazymdary, ataqtary dálel bola alady.

Tótenshe jaǵdaılar qyzmeti júıesinde eńbek etip júrgen názik jandylar mańyzdy máselelerdi sheshedi. Olardyń saýatty is-qımyldary asa mańyzdy. О́rtterdi sóndirý, ártúrli tótenshe jaǵdaılardy joıý kezinde olardyń batyl is-qımyldary sheshýshi ról atqaryp jatady.

Osy oraıda atalǵan salada qyzmet etip júrgen áıelderge «Sizder adamdardy qorǵaý jáne qutqarý jolyndaǵy ıgi iske úlken úles qosyp júrsizder. Sizderciz TJ júıesindegi jumys tııanaqty bolmas edi», degim keledi.

Meıram qutty bolsyn, názik te er­júrek arýlar!

 

Mereke PIShEMBAEV,

Tótenshe jaǵdaılar mınıstriniń orynbasary

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Uqsas jańalyqtar