Elorda • 05 Naýryz, 2021

Bıyl Nur-Sultanda 10 myń jeńildetilgen páter salynady

13 ret kórsetildi

Nur-Sultan qalasynyń ákimi Altaı Kólginov Instagram paraqshasynda el astanasynda baspana máselesi qandaı joldarmen sheshilip jatqanyn túsindirip ótti, dep habarlaıdy Egemen.kz. 

«Baspana óte ózekti másele. Bul boıynsha júıeli jumystar júrgizip kelemiz. Jeńildikpen beriletin páterler salynyp jatyr. Apatty jaǵdaıdaǵy eski úılerdi súrip, qaýipti turǵyn úı keshenderdi jóndep kelemiz. Sonymen birge qurylysy uzaqqa sozylǵan nysandardy aıaqtap paıdalanýǵa berip, turǵyndardy turǵyn úı sertıfıkattarymen qamtamasyz etip jatyrmyz jáne t.b. Jetekshi qurylys kompanııalarymen kezdesýde mańyzdy máseleler qataryn talqyladyq.

Birinshi. Memleket basshysynyń tapsyrmasyna sáıkes qoljetimdi jeńildikpen beriletin turǵyn úı qurylysyn keńeıtýdi jalǵastyramyz. Máselen, 2018 jyly 1100 áleýmettik páter, 2019 jyly – 2900 páter salynsa, 2020 jyly 7 myńnan astam áleýmettik páter salyndy. Bul kórsetkish bıyl 10 myń deıin artty.

Ekinshi. Elordada Elbasynyń bastamasymen úshinshi jyl qatarynan (2019 jyldan bastap) "jumys isteıtin jastarǵa arnalǵan jalǵa beriletin turǵyn úı" baǵdarlamasy júzege asyp keledi. Od boıynsha jyl sońyna deıin 1 myńnan astam jastar baspanaly bolady.

Úshinshi. Qaýipti turǵyn úı keshenderin jóndeýdi jalǵastyramyz. О́tken jyly 50-den astam kóppáterli turǵyn úı kesheni jasaldy. Olardyń ishinde, balkondarymen "áıgili" bolǵan úıler bar. Jel soqqanda balkondar qabyrǵalardan alystap ketetin edi. "Terrıtorııa komforta-2" úıi de osy qatarǵa jatady.

Tórtinshi. О́tken jyly apatty jaǵdaıdaǵy eski úılerden 200-ge jýyq otbasy kóshirilse, bıyl da dál sonsha otbasy kóshiriledi.

Besinshi. Turǵyn úı sertıfıkattarynyń mólsheri 1 mln teńgeden 1,5 mln teńgege deıin kóbeıtildi. Sondaı-aq, turǵyn úı sertıfıkattaryn alýshylardyń sanattary keńeıtildi: eger buryn tizimge halyqtyń áleýmettik álsiz tobynan 3 sanat qana bolsa, endi barlyq sanattar endi.

Altynshy. Úlestik qurylys nysandaryn aıaqtaý boıynsha júıeli jumystar júrgizýdemiz. 2019 jyly 10 úlestik qurylys nysany salynyp, paıdalanýǵa berildi, bul 2,5 myń úlesker. 2020 jyly eki ese kóp – 20 TK aıaqtaldy. Bıyl taǵy 7 myńǵa jýyq úleskerge kiltterdi tabystaýdy josparlap otyrmyz.

Turǵyn úı máselelerin sheshý boıynsha barlyq sharalardy baqylaýda ustaımyz», dep jazdy elorda ákimi.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar