«Memleket basshysy Qasym-Jomart Toqaev 2020 jyldyń 24 qarashysynda tıisti Jarlyqqa qol qoıdy. Osyǵan oraı búginde Qostanaı oblysynda arnaıy komıssııa jumys júrgizip jatyr. Komıssııa quramynda arhıvterdi zerttep, aımaqtardyń turǵyndarymen kezdesetin ǵalymdar men qoǵam qaıratkerleri bar. Basty maqsat - 1920-1950 jyldary qýǵyn-súrginge ushyraǵan, biraq qazirgi ýaqytqa deıin aqtalmaǵan azamattardyń aty-jónin anyqtap, jalpy sanyn anyqtaý.
Bul ýaqyt pen resýrstardy qajet etetin aýyr jumys ekenin túsinemiz. Sondyqtan oblys turǵyndarynan kómek suraımyz. Málimetterdi jınaý úshin telegramm-arna ashyldy. Kanal arqyly árqaısyńyz aqtalmaǵan týystaryńyz ben dostaryńyz týraly aqparat jibere alasyzdar. Aqparat «Qostanaı oblystyq tarıhı-ólketaný murajaıy» KMM túsetin bolady» - dep málimdedi oblys ákimdiginiń ishki saıasat basqarmasy.
