Salaýat Vahıtov 1975 jyly dúnıege kelgen. Bilimi joǵary. 1996 jyly Batys Qazaqstan agrarlyq ýnıversıtetin ekonomıka jáne AО́K salasyndaǵy basqarý, 2007 jyly M.О́temisov atyndaǵy Batys Qazaqstan memlekettik ýnıversıtetin zańgerlik mamandyǵy boıynsha, sondaı-aq 2009 jyly QR Prezıdenti janyndaǵy Memlekettik basqarý akademııasyn támamdaǵan.
Ár jyldary Oral qalasy ekonomıka basqarmasynyń aǵa, jetekshi mamany, BQO boıynsha kóliktik baqylaý ınspeksııasynyń bas mamany, basshynyń orynbasary, QR Energetıka jáne mıneraldyq resýrstar mınıstrligi «Kapıtalneftegaz» MM dırektorynyń orynbasary, QR Básekelestikti qorǵaý jónindegi agenttik departamenti basshysynyń orynbasary, QR Básekelestikti qorǵaý agenttigi Aqtóbe jáne BQO boıynsha óńiraralyq ınspeksııasynyń bastyǵy, Aqtóbe oblysy boıynsha monopolııaǵa qarsy ınspeksııa basshysy boldy. 2018 jyldan beri QR Investısııalar jáne damý mınıstrligi, QR Saýda jáne ıntegrasııa mınıstrligi Tehnıkalyq retteý jáne metrologııa komıteti departamentiniń basshysy qyzmetin atqardy.
Eske sala keteıik, budan buryn BQO ákiminiń orynbasary taǵaıyndalǵanyn jazǵan bolatynbyz.
