Kamıljan Ǵafýrjanulynyń oqýshylary matematıkadan halyqaralyq, respýblıkalyq pán olımpıadalarynda tek joǵary oryndardy ıelengen.
Ǵylym men bilim kún saıyn emes ár sekýndta damyp otyr. Kóshke ilesý úshin tynymsyz izdenispen birge shet tilin de jetik bilý qajet. Sondyqtan aldyma maqsat qoıyp, óz betimshe aǵylshyn tilin úırene bastadym. Shákirtterim tehnologııasy ozyq elderde bilim alyp, óz elimizdiń damýyna úles qossa eken dep armandadym. 2019 jyly shet tilin jetik meńgerip, oqýshylarǵa eki tilde sabaq ótýdy bastadym, deıdi K.Isakjanov.
Ustazdyń 28 shákirti UBT synaǵynda eń joǵary ball jınap, elimizdegi eń bedeldi Nazarbaev jáne ózge de joǵary oqý oryndarynyń stýdenti bolýyna atsalysyp júr. UBT qorytyndysy boıynsha matematıkalyq saýattylyq pániniń ortasha baly – 17 ball, matematıka pániniń ortashasy 30 ball kórsetkishke ıe boldy.
Sabaq barysynda zamanaýı jańa ádis-tásilderdi qoldana otyryp, básekege qabiletti shákirtter tárbıelegen ustaz elimizdegi ózge áriptesterimen oqytý isindegi tájirıbesin bólisip keledi.
Shymkent qalasy ákimdiginiń baspasóz qyzmeti
