Ashylý saltanatyna qala ákiminiń orynbasary E.Babaqumarov, Bolathan Taıjannyń jubaıy men uly, professor M. Súleımenov, dıplomat H. Omarov, QazUTÝ prorektory Ý. Sydyqov jáne QR SIM ókildiginiń basshysy E. Ysqaqov qatysty. Ákimniń orynbasary E.Babaqumarov óz sózinde qoǵam qaıratkeri Bolathan Quljanulynyń qoǵamymyzdyń saıası máselelerin qalyptastyrý men sheshýdegi mańyzdy rólin jáne onyń eńbegin memleketke sińirgen eńbegi jaıynda aıtyp ótti. B.Taıjan kóp jyldar boıy tótenshe jáne ókiletti elshi bolyp qyzmet etti. Búginde Almatyda Bolathan Taıjan atyndaǵy kóshe bar.
«О́z halqyna adal bolǵan arda azamat uzaq jyldar dıplomatııa salasynda eńbek etti. О́z isin jaqsy biletin ári Qazaqstan úshin kóptegen ıgi is jasaǵan Bolathan Taıjan el táýelsizdiginiń alǵashqy jyldarynda halyqaralyq baılanystardyń jolǵa qoıylýyna zor eńbek sińirdi. Mysaly, Iemendegi konsýldyq qyzmetinde, Mysyrda Elshi bolǵan kezinde Qazaqstanmen aradaǵy yntymaqtastyqtyń nyǵaıýyna kóp kúsh-jigerin arnasa, Egıpette Abaı atyndaǵy kósheniń ashylýyna qol jetkizdi. Qazaqstannyń Islam Konferensııasy Uıymyna kirýge qosqan eńbegi orasan. Osy konferensııa aıaqtalǵan sátte Qazaqstandy osy qýatty da tanymal uıymnyń múshesi bolyp jarııalanýy týraly kóp áńgimelegen bolatyn. Qaı elde, qaı jerde bolmasyn, ol árqashan bizdiń táýelsizdigimizdiń ıgiligi úshin qyzmet etti», - dep atap ótti professor M.Súleımenov.
