Oǵan respýblıkalyq jáne oblystyq bıýdjetten 19 mlrd teńgeden astam qarajat bólingen. Sondaı-aq, memlekettik baǵdarlamalar arqyly da 10 362,0 mln teńge kóleminde ınvestısııa tartylǵan. Bul týraly óńirlik kommýnıkasııalar qyzmetiniń aqparat alańynda ótken brıfıngte oblystyq jolaýshylar kóligi jáne avtomobıl joldary basqarmasynyń basshysy Murat Tileýmbetov málimdedi.
«Nurly jol» baǵdarlamasy aıasynda 33 joba iske asyrylady. Iаǵnı bıyl oblystyq jáne aýdandyq mańyzy bar joldar jóndelip, paıdalanýǵa beriledi. Sondaı-aq, jol qozǵalysy qaýipsizdigin qamtamasyz etý maqsatynda «Qyzylorda –Jalaǵash» joly jóndeýden ótedi. Eldi mekenderdiń kireberis joldaryn damytý jáne aýdan ortalyqtarymen baılanystyrý maqsatynda Aral aýdanynyń Jańaqurylys, Bekbaýyl aýyldaryna baratyn joldardy salý úshin jańa jobalar júzege asyrylady, - dedi Murat Jolkeldiuly.
Sonymen qatar, oblystyq mańyzy bar joldardyń boıyndaǵy apattyq jaǵdaıdaǵy bes kópir jóndeledi. Buǵan qosa, Qazaly aýdany, Qarlan ýchaskesine Syrdarııa ózeni arqyly kópir salynatyn bolady. Búginde joba-smetalyq qujattary ázirlenip, memlekettik saraptamadan ótkizilýde. Tıisti qujattary daıyn bolǵanda qurylys jumystary bastalady.
