Jambyl aýdanynda sońǵy 15 jyl kóleminde 112 qoıma salynǵan. Bul qoımalardyń basym bóligi Qaroı, Grodıkovo, Qaratóbe, Aqbulym, Aıshabıbi aýyldyq okrýgterine ornalasqan. Búginde bir ǵana Polatqosshy aýyldyq okrýginde 97 qoıma bar. Al Qaroıda – 2, Grodıkovoda – 7, Qaratóbede – 2, Aıshabıbide – 2, Aqbulymda – 2 qoıma jumys istep tur.
Máselen, Jambyl aýdanyndaǵy Qaratóbe aýyldyq okrýginde ornalasqan «Kaz Pruk Laim» JShS qoımasynda 400 tonna alma, 200 tonna kartop, 200 tonna səbiz jəne 170 tonna pııaz qalypty temperatýrada saqtalýda.
Seriktestik dırektory Kóshkenbaı Qulmanbetovtyń aıtýynsha, syıymdylyǵy 2 myń tonnany quraıtyn qoımanyń búginde 30 paıyzy ǵana kókónis jáne jemis-jıdekpen toltyrylǵan.
Qoımada 20 adam turaqty jumyspen qamtylǵan. Ondaǵy tońazytqyshtar men qural-jabdyqtardyń barlyǵy sońǵy úlgidegi tehnologııalarmen jabdyqtalǵan. Budan bólek, kókóniske arnalǵan bir tonnalyq aǵash jáshikterdi tasymaldaıtyn eki kishi júk ornatqysh, bir ónimdi suryptaýshy, eki muzdatqysh kóligi jumys isteıdi.
Búginde qoımada Jambyl, Baızaq, T.Rysqulov pen Jýaly aýdanynyń kókinisteri men almalary saqtaýǵa qoıylǵan. Búgingi tańda seriktestik qoımany kókónispen jáne jemis jıdekpen qamtamasyz etý úshin jıyrma gektar alqapqa alma jáne shıe kóshetterin otyrǵyzǵaly jatyr.
Qazirgi tańdaǵy aýdandaǵy qoımalardyń jaı-kúıi týraly aýdannyń bas agronomy Amangeldi Ábdibekov aıtyp berdi.
«Aýdan boıynsha syıymdylyǵy 33789 tonnany quraıtyn kókónis jáne jemis-jıdek saqtaıtyn 112 qoıma bar. Búgingi tańda 51 qoımada 22293 tonna ónim saqtalýda. Taratyp aıtsam, 36 qoımada 19280 tonna pııaz, 10 qoımada 2837 tonna sábiz, 3 qoımada 126 tonna alma, 2 qoımada 50 tonna ashanalyq qyzylsha saqtaýǵa qoıylǵan. Olardyń barlyǵy derlik tońazqyshtarmen qamtylǵan. Qazir ondaǵy otandyq ónim «Alqaptan sórege» jobasy aıasynda óńirdegi barlyq dúkender men áleýmettik dúken sórelerine jetkizilýde. Qoımada saqtalǵan ónimniń sapasy da jaqsy», dedi ol.
