Jyr Qulageri atanǵan Ilııas Jansúgirovtiń ádebı mýzeıi bıyl 37 kóktemin qarsy alyp otyr. Jetisýdyń kindik qalasy – Taldyqorǵandaǵy murajaı 1984 jyly ashylǵan bolatyn. Ǵıbratqa toly ǵımarat osy merzim aralyǵynda qalamger shyǵarmashylyǵynyń shyraqshysyna aınalyp qana qoımaı, óńirdegi rýhanııattyń da qara shańyraǵyna aınaldy.

Sýrette: Ilııas paıdalanǵan «Mersedes» jazý mashınkasy
Búginde alty bólmeden turatyn mýzeıde Ilııas Jansúgirovtiń qujattary, baspa isine paıdalanǵan jazý mashınkasy, ózi satyp alǵan kilemi, kıgen plashy, ustaǵan taıaǵy, dám tatqan ydystary, qoljazbalar qory, ár jyldary shyqqan kitaptary jáne aqyn shyǵarmashylyǵyn zertteýshilerdiń eńbekteri jınaqtalǵan eken. Munda uzyn-sany alty myńnan astam qundy jádiger saqtaýly turǵan kórinedi. Mýzeıdegi taǵy bir kıeli dúnıe – Molyqbaıdyń qobyzy. Jurt aýzynda qobyzshy Molyqbaı Ilııas dúnıege kelgen kezde bolashaq aqynnyń qulaǵyna azan shaqyryp, «Qyzyrilııas» dep esimin qoıǵany jaıynda áńgime bar.
– Qazir Ilııas Jansúgirov shyǵarmashylyǵy men qoǵamdyq qyzmetine qatysty sırek materıaldardy, qundy jádigerlerdi kórýge degen qyzyǵýshylyq artýda. Jylyna 10 myńǵa jýyq kórermen mýzeıdi aralaýǵa kelip, bizdiń jumysymyzben tanysady. Olardyń arasynda oqý baǵdarlamasy boıynsha saıahattaýǵa kelgen mektep oqýshylary men dıplomdyq, kýrstyq jumystarǵa daıyndalýshy stýdent jastar kóp. Jalpy, bir ret óz qajetin izdep kelgen jastar ekinshi joly mindetti túrde Ilııas shyǵarmashylyǵymen jete tanysýǵa keletinin baıqap otyrmyz. Onyń ústine qalamgerdiń ónegeli ómiri men shyǵarmashylyǵyn halyqqa nasıhattaý maqsatynda mýzeı qyzmetkerleri qalamyzdyń turǵyndaryn, memlekettik mekemeler qyzmetkerlerin mýzeı ekspozısııasymen tanysyp, mádenı baǵdarlamalarǵa qatysýǵa jáne rýhanı baıyp qaıtýǵa arnaıy shaqyryp, ekskýrsııalar júrgizip otyrady. Jyl saıyn aqynnyń týǵan kúnin, repressııa qurbany bolǵan azaly kúnderine arnalǵan aqyndy eske alý jıyndaryn ótkizý dástúrge aınalǵan, – deıdi Ilııas Jansúgirov ádebı mýzeıiniń meńgerýshisi Nurgúl Jaýynbaeva.
Sońǵy jyldary mýzeı qory qundy jádigerlermen tolyǵa túsipti. Mysalǵa, 2016 jyly Aqsý aýdany Eńbek aýylynyń turǵyny aıtysker aqyn Bekbolat Atambaev mýzeıge Ilııas Jansúgirovtiń jeıdesin tapsyrǵan bolatyn. Odan keıin, 2017 jyly Almaty oblystyq polısııa departamentiniń aqparattyq-taldaý ortalyǵy aqynnyń 1936 jyly Almaty qalasynda berilgen pasportyn jáne tutqyndalǵan kezdegi fotosýretiniń túpnusqasyn ákelip, ótkizipti. Al 2018 jyly Almatydaǵy Ulttyq kitaphananyń sırek kezdesetin qoljazbalar qorynan tabylǵan «Qýat» poemasy men «Baqytty Jamal» áńgimesiniń túpnusqasy Taldyqorǵanǵa jol tartyp, ony mýzeı qyzmetkerleri latyn qarpinen kırıllısaǵa qotarǵan eken. Ilııastyń bul týyndysy biraz jyl buryn «Qazaq ádebıeti» gazetinde jaryq kórgen-di.
– Árıne, bıyl el basyna túsken syn saǵat mýzeı qyzmetkerlerin qashyqtan qyzmet kórsetýge májbúrledi. Karantın rejimine baı̆lanysty I.Jansúgirovtiń ádebı mýzeı̆i birneshe aı̆ boı̆y onlaı̆n formatta jumys istedi. Josparǵa saı jobalar men jospardan tys jasalǵan jumystarymyzdy kórermender onlaın tártipte tamashalaý úshin mýzeıdiń ınstagram, feısbýk áleýmettik jelilerine jiberilip otyrdy. Aıta ótetin bolsaq, osy ýaqytqa deıin júrgizilgen jumys tártibinde Ilııas Jansúgirovtiń ómiri men shyǵarmashylyǵyn nasıhattaýda onlaın ekskýrsııa júrgizilip, mýzeı zalyndaǵy eksponattar jaıynda tolyqtaı málimetter berilip, kitap kórmeleri uıymdastyryldy. Buǵan deıin bizdiń mýzeıge kelýshiler arasynda sheteldik qonaqtar ushyrasatyn edi. Elimizdiń ár óńirinen kelgen meımandar jádigerlerdi óz kózimen kórip, ótken ómirdiń bir belesin sezingendeı bolyp, rızashylyǵyn bildirip te jatatyn. Biz bul iltıpatty mýzeı qyzmetkerleriniń eńbegine berilgen joǵary baǵa dep qabyldaımyz, – deıdi Nurgúl Qyzyrbekqyzy.
Aıtpaqshy, Ilııas shyǵarmashylyǵy qazaq shekarasyn kókteı ótip, álemniń ádebı keńistigin qaraı qanat qaqty deýge tolyq qaqylymyz. Buǵan dálel retinde 2016 jyly nemis jazýshysy Gert Haıdenraıh aýdarǵan ataqty «Qulager» poemasy men 2019 jyly Ulttyq aýdarma bıýrosy men Ilııas Jansúgirov qorynyń muryndyq bolýymen Belında Kýktiń tárjimasymen aqyn óleńderiniń aǵylshyn tilinde basylyp, shyqqanyn aıtsaq bolar.
Jalpy, bıyl 37 kóktemin qarsy alyp otyrǵan Jetisýdaǵy qara shańyraq ujymy – aqynǵa qatysty qundy muralardy qorǵa jınastyryp qana qoımaı, Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasy aıasynda kóptegen shara ótkizip otyrǵan izdenimpaz orta. Ilııas Jansúgirov shyǵarmashlyǵyn nasıhattaýda júıeli jumystarymen eldiń yqylasyna bólengen murajaı buǵan deıin Almaty oblysyndaǵy «Úzdik mýzeı» atanǵan. Sondaı-aq birer jyl buryn aqynnyń ómiri men shyǵarmashylyǵyna arnalǵan 20 tomdyq jınaqtyń 19 tomy osy qara shańyraqqa arnalyp, «Ilııas Jansúgirovtiń ádebı mýzeıi» anyqtamalyǵy retinde jaryq kórgen bolatyn.
Almaty oblysy
Maımylsheshek aýrýy tarala bastady
Álem • Keshe
О́zen-kólderdegi bógetter joıyldy
Álem • Keshe
Jahandyq jylynýdyń saldary aýyr
Ekologııa • Keshe
Qonaev qalasynda ótken kezdesýler
Aımaqtar • Keshe
TMD elderin kúsh biriktirýge shaqyrdy
Qazaqstan • Keshe
Úkimet • Keshe
Sport • Keshe
Jeńildetilgen avtonesıe: Alǵashqy kólik berildi
Qoǵam • Keshe
Jastar qalaýy – jarqyn keleshek
Referendým-2022 • Keshe
Referendýmdy qoldaýǵa úndeý jasady
Referendým-2022 • Keshe
Referendým-2022 • Keshe
Aımaqtar • Keshe
Jetisý joldary qashan jaqsarady?
Qoǵam • Keshe
Ulttyq ónim – otandyq óndirýshilerge ortaq alań
Qazaqstan • Keshe
Ekojúıe ınvestısııalyq klımatty jaqsartady
Bıznes • Keshe
Bızneske qysym kórsetýdi doǵarý qajet
Bıznes • Keshe
Pikir • Keshe
El nazarynda – «Ekinshi Respýblıka»
Qazaqstan • Keshe
Zulmat jyldar jańǵyryǵy – «Aq boz úı»
Kıno • Keshe
Sport • Keshe
Tarıh • Keshe
Elimizdegi áskerı oqý oryndarynda daıarlyq baǵdarlamalary qaıta qaralady
Qazaqstan • Keshe
Sý resýrstaryn basqarýdyń jeke memlekettik organy qurylmaıdy
Úkimet • Keshe
Taldyqorǵan-Úsharal jolyn sý shaıyp ketti
Aımaqtar • Keshe
ShQO-da egis alqaby 14,6 myń gektarǵa artty
Aımaqtar • Keshe
Oralda baǵanǵa soǵylǵan Toyota júrgizýshisiniń hali aýyr
Oqıǵa • Keshe
Almaty oblysynda eki jasar sábı sýǵa batyp ketti
Aımaqtar • Keshe
Oqýshylar antıseptık shashatyn robot oılap tapty
Bilim • Keshe
Elimizde KVI-ge qarsy vaksına alǵandar sany ósti
Koronavırýs • Keshe
Oralda jol apatynan 20 jastaǵy qyz kóz jumdy
Aımaqtar • Keshe
Uqsas jańalyqtar