IýNESKO uıymynyń deregine qaraǵanda, koronavırýs kúsheıgen kezde dúnıe júzindegi 1,5 mlrd bala úıden oqydy. О́ıtkeni sol ýaqytta 167 el mektepterin ýaqytsha japty. Sonyń ishinde bizdiń elimiz de bar.
Al naq osy sát bárimizge sabaq boldy. Sebebi pedagog qaýymnyń qadirin bildik. Karantınniń kesirinen balalarymyz mektepke, balabaqshaǵa bara almaı qalǵanda, barlyq jaýapkershilik ózimizge júkteldi. Balalardyń sabaǵyn oqyttyq. Muǵalimderdiń barlyq múmkindikti (zoom, WhatsApp, teledıdar) paıdalanyp bergen úı tapsyrmalaryn oryndattyq. Sonda pedagogtiń orny oısyrap turǵanyn, onyń tikeleı túsindirgeni, qıyn nárseniń ózin uǵyndyryp jiberetin ustazdyń sózi men úni, tipti mımıkasy jetispeıtinin bildik.
Shyny kerek, basynda ata-ana retinde balalarymnyń bolashaǵyna alańdap, «Bul qalaı bolar eken?» degen oı mazalady. Biraq naǵyz ustazdar balaǵa bilim berý úshin jaǵdaı tańdamaıdy eken. Almaty qalasyndaǵy №181 mekteptiń 3-synybynda oqıtyn qyzymnyń muǵalimi Aqnur Sákenqyzy qandaı jaǵdaı bolsyn bilim berýdi toqtatpady. Ár balamen jeke qarym-qatynas ornatýǵa ýaqyt taýyp, túsinbegen jerin qaıtadan túsindirip, árbir úı tapsyrmasyna bólek baǵa berip otyrdy. Bilim jáne ǵylym mınıstri Ashat Aımaǵambetov karantın kezinde muǵalimderdiń júktemesi eki ese artqanyn aıtyp edi. Rasynda da, buryn 45 mınýtta ótetin bir sabaqta 25 oqýshyǵa jańa taqyrypty ótip, sol jerde birden keri baılanys ornatyp alatyn muǵalimder qashyqtan oqytý kezinde 25 balaǵa 25 ret sabaq ótkenmen teńdeı jumys istedi. Bul degenińiz – orasan zor kúsh-jigerdi qajet etetin aýyr jumys.
Osy rette men bir olqylyqtyń ornyn toltyrǵym keledi. Biz pedagog qaýymnyń ishindegi kóbinese eleýsiz qalyp qoıa beretin, alaıda eńbegi ólsheýsiz tárbıeshilerdiń baǵasyn bile bermeıtin sekildimiz. Moıyndaıyqshy, buǵan deıin kóbimiz balabaqshany jumystan kelgenshe balany qaldyryp ketetin jer dep qabyldap keldik. Tıisinshe ondaǵy tárbıeshilerdi balaǵa qaraıtyn qyzmetshi retinde kórdik. Ońtústik astanamyzdaǵy №150 bóbekjaı-balabaqshasyna baratyn 4 jasar ulymnyń tárbıeshileri Sandýǵash Altynbekqyzy men Indıra Qurmanǵazıqyzy bekitilgen standart negizinde daıyndaǵan oqý baǵdarlamasynyń qandaı jaǵdaıda da toqtamaıtynyn aıtty. Olardyń sózin salqyn qabyldaǵanymmen, keıin onyń durystyǵyna kózim jetti. О́ıtkeni qyzym óz qurdastarymen birge jasaǵan jumystaryn kórsetip, kúndelikti balabaqshada ne úırengenin aıtyp beredi. Tárbıeshiler – eń aldymen balalarǵa ómirge eń qajetti daǵdylardy úıretetin, saýatyn ashyp, jasyna sáıkes bilim beretin, mektepke daıyndaıtyn tulǵalar ekenine kózim jetti. Olardyń da aýyr eńbegin túsinip, ádil baǵalaı bilgenimiz jón eken.
Rýzanna MÝSINA,
ata-ana
ALMATY
