Joba ıdeıasynyń avtory – aktrısa, belsendi jáne «Bópe» otbasy men neke ınstıtýtyn jańǵyrtý qorynyń negizin qalaýshy Aınur Ilıasova. Jobanyń shyǵarmashylyq tobyna fotograf Baýyrjan Bısmıldın, vıdeograf jáne rejısser Vanıa Abramov pen jýrnalıst Oksana Vasılenko qatysty. Kórmede áıelderdiń tarıhtaǵy eń qaterli pandemııa kezinde ózgelerge kórsetken rııasyz kómegi men batyl sheshimderi beınelengen.
«Halyqaralyq áıelder kúni – bul búkil álemdegi áıelderdiń kúsh-jigerin atap ótý múmkindigi. Pandemııamen kúreske jumyldyrylǵan jumysshylardyń basym kópshiligi osy áıelder qaýymy. Dárigerler men zańgerlerden bastap eriktiler men mańyzdy salalarda qyzmet atqaratyn qatysýshylardan turatyn bul fotokórmeden álemdik daǵdarys jaǵdaıyna qaramastan, batyldyq, tózimdilik pen janqııarlyq týraly áńgimelerimen tanysýǵa bolady. Pandemııa adamzat balasyna bárimiz birlesip jumys atqarǵanda ǵana kóp nársege qol jetkizetinimizdi kórsetti. Osy kúni basshylyq laýazymdarda qyzmet atqarmaıtyn áıelder de múmkindik bar jerde qoǵamnyń ár salasyna ózgeris engize alatyndyǵyn eske salaıyq», dedi IýNFPA-nyń Qazaqstandaǵy ókili jáne Qyrǵyzstan men Túrikmenstan úshin eldik dırektory Djýlııa Valeze. Bul rette Qazaqstandaǵy BUU Turaqty úılestirýshisi Mıkaela Frıberg-Storı COVID-19-ǵa qarsy kúreste durys sheshimderdi qabyldaý úshin áıelderdiń róli mańyzdy ekenin atap ótti.
Infeksıonıst-dáriger jáne vırýsolog Qarlyǵash Ábdıeva shilde aıynan bastap COVID-19 testileý dıagnostıka bóliminde jumys istep keledi. Kórme sıýjetine arqaý bolǵan maman qıyn shaqta kómek qolyn sozýǵa ár kez daıyn ekenin aıtady. «Men naýryz aıynan bastap «qyzyl aımaqta» jumys isteımin. Olar maǵan batyr ekenimdi aıtqanda tańǵalamyn. Iá, bizdiń aramyzda qorqyp, ketip qalǵandar boldy, biraq men ketip qalsam dárigerdiń aq halatyna satqyndyǵym bolyp esepteletinin sezindim. Sol sebepti de kómekke muqtaj adamdardy qıyndyqpen jalǵyz qaldyrýdy jón kórmedim», deıdi ol.
COVID-19 daǵdarysyna qosqan áıelderdiń úlesi týraly shaǵyn esseler men ózge de materıaldardy uıymnyń resmı saıtynan kórýge bolady. Fotokórme Respýblıka saraıynda, sondaı-aq metro stansasy men Mega saýda oıyn-saýyq ortalyǵynda jalǵasady.
