Senatordyń aıtýynsha, jyl saıyn Túrkistan qalasyna 1 mıllıonnan astam týrıst keledi. Al oblys halqynyń sany 2 mıllıonnan asady. Bul elimizdegi halyq eń tyǵyz qonystanǵan aımaq. Bul rette polısııa qyzmetkerleriniń jetispeýshiligi quqyq tártibin qamtamasyz etýge jáne esirtki tasymalyna qarsy kúreske teris áser etip otyr.
«Oblystaǵy polısııa qyzmetkerleriniń jalpy sany normatıvterden áldeqaıda tómen, ár qyzmetkerdiń júktemesi 2-3 ese joǵary. 100 myń turǵynǵa shaqqandaǵy polısııa qyzmetkerleriniń sany respýblıka boıynsha 386 bolsa, Túrkistan oblysynda – 185. Tipti halyq sany jaǵynan Túrkistan oblysynan eki ese az óńirlerde polısııa sany eki ese joǵary. Ondaı faktiler bar. Biraq ishki ister organdarynyń negizgi qyzmeti adam quqyqtary men qaýipsizdigin qorǵaý bolyp tabylatyndyqtan, olardaǵy qyzmetkerler sany da turǵyndar sanyna tikeleı baılanysty bolýy tıis», - dep atap ótti Álı Bektaev.
Osyǵan baılanysty, senator óńirdegi qoǵamdyq qaýipsizdigin qamtamasyz etýdi kúsheıtý úshin Túrkistan oblysynyń polısııa qyzmetkerleriniń sanyn kóbeıtýdi suraıdy.
