2020 jyldyń 28 qarashasyna qaraǵan túni 43 jastaǵy pavlodarlyq qarsylasyna tıesili 1999 jylǵy Nissan Cefiro markaly kólikti qyzǵanyshtan órtep jibergen.
Is sotqa prokýror men sottalýshynyń arasynda jasalǵan kináni moıyndaý týraly mámile nysanynda prosestik kelisimmen kelip tústi. Sot otyrysynda prokýror men sottalýshy prosestik kelisimdi qoldady. Úkim shyǵarý kezinde sot órt qoıǵan adamnyń kinásin tolyq moıyndaýyn jáne kishkentaı balalary bar ekenin eskerdi.
– Jylyna 100 saǵat májbúrli eńbekke tarta otyryp, probasııalyq baqylaý ornata otyryp, 3 jyl 6 aı bas bostandyǵyn shekteý túrindegi jaza taǵaıyndalsyn. Jábirlenýshiniń 1 mln 107 myń 597 teńge somasyndaǵy azamattyq talap-aryzy tolyq kólemde qanaǵattandyrylsyn, deıdi Pavlodar qalasy №2 sotynyń sýdıasy Ánýarbek Ospanov.
Sottalýshy azamattyq talap úkim zańdy kúshine engennen keıin bir aı ishinde tóleýi tıis. Olaı bolmaǵan jaǵdaıda materıal sot oryndaýshylaryna beriledi jáne sheteldik kólik ıesiniń paıdasyna qaraı zalal májbúrli túrde óndirip alynady.
Sonymen qatar, sottalýshy baqylaýdy júzege asyratyn memlekettik organdy habardar etpeı, oqý ornyn, turǵylyqty jerin, jumysyn ózgerte almaıdy. Oǵan alkogol ishýge baılanysty barlarǵa, dámhanalarǵa, meıramhanalarǵa, oıyn-saýyq oryndaryna barýǵa tyıym salynady.
Bul talaptar buzylǵan jaǵdaıda bas bostandyǵyn shekteý naqty bas bostandyǵynan aıyrýǵa aýystyrylýy múmkin. Úkim zańdy kúshine engen joq.
Eske sala keteıik, Nissan Cefiro Pavlodarda Gagarın kóshesi, 76/3 mekenjaıy boıynsha órtengen bolatyn. Oblystyq TJD órttiń shyǵýyna qasaqana ot qoıý sebep bolǵanynaıtqan. О́rt aýmaǵy 0,5 sharshy metrdi qurady.
