15 aqpan kúni Qaraǵandy oblysy Shet aýdandyq polısııa bólimine aýdandaǵy mekemelerdiń birinen aqsha urlanǵany týraly habarlama túsken. Oqıǵa orynyna jedel-tergeý toby jiberildi. Aldyn ala tergeý kezinde belgisiz bireýdiń mekemeniń kassasy turǵan bólmeniń qulpyn syndyryp, kassadan 225 myń teńge urlaǵany belgili boldy. Urlyq oqıǵasy aqpan aıynyń 13-inen 14-ine qaraǵan túni bolǵan. Polısııa qyzmetkerleri urlyq bolǵan kúni mekemedegi beınekameralardyń óshirýli bolǵanyn anyqtady. Atalǵan fakti boıynsha Qazaqstan Respýblıkasy Qylmystyq Kodeksiniń 188-babyna sáıkes qylmystyq is qozǵaldy.
8 naýryz kúni krımınaldyq polısııa qyzmetkerlerimen júrgizilgen jedel izdestirý sharalary barysynda osy iske qatysy bar degen kúdikpen 24 jastaǵy azamat ustalyp, moıyndaý kórsetpe belgilerin berdi. Tergeý barysynda kúdikti azamattyń urlyq bolǵan jerde kúzetshi bolyp isteıtini belgili boldy.
Kúdikti óziniń jumys kestesiniń aqpan aıynyń 13-nen 14-ne qaraǵan kúnge kelgenin paıdalanyp, súıiktisine ǵashyqtar kúnine syılyq jasaý úshin urlyqqa barǵanyn aıtqan. Sol kúni ol mekemedegi beınebaqylaý kameralaryn sóndirip, urlyq jasaǵan.
