Kórshileriniń aıtýynsha, ol onyń etimen mysyqtaryn birneshe kún boıy tamaqtandyrǵan. Kúdikti óz qylmysyn moıyndap, barlyq bolǵan mán-jaıdy aıtyp berdi.
Málimetterge sáıkes aıyptalýshy 2 naýryzda ishimdik iship, kórshileri Danııar jáne Aleksandrdy úıine qonaqqa shaqyrady. Biraq Aleksandr kelýden bas tartqan, al Danııardy sodan keıin eshkim kórgen joq.
Kúdikti úsh kúnnen keıin ǵana máıitten qutylýǵa sheshim qabyldaǵan. Túnde ol dene múshelerin paketterge salyp, sol mańdaǵy eń jaqyn úılerdiń qoqys jáshikterine apardy. Kommýnaldyq qyzmetter sısternalardy bosatýǵa úlgermegendikten, polıseıler qaldyqtardy taýyp úlgerdi.
«Izin sýytpaı 33 jastaǵy kúdikti anyqtalyp qolǵa tústi. Olar páterde ishimdik iship, sońy janjalǵa ulasqan. Qylmysker sol kezde kisi óltirgenin moıyndady», deıdi Qaraǵandy oblysy boıynsha DP baspasóz hatshysy Baqytjan Qudııarov.
Tergeý qylmystyń barlyq egjeı-tegjeıin anyqtaǵan joq. Biraq kórshiler qorqynyshty málimetterimen bólisip, onyń buǵan deıin de birneshe aýyr qylmysy bolǵanyn aıtty.
Rabıǵa MURAT
