Jyl basynan beri beınebaqylaý kameralarynyń kómegimen 15 qylmys ashyldy. Beınebaqylaýshylar azamattardan kelip túsken habarlamalardy qabyldaý jáne óńdeý barysynda barlyq kúdikti áreketterdi, adamdardyń minez-qulqyn jáne kameraǵa túsken kúmándi adamdardy jedel tekseredi.
Osy jyldyń 6 naýryzynda kezekshilikke túsken Jedel basqarý ortalyǵynyń ınspektory, polısııa maıory Aınur Ýsmanova tańǵy saǵat 05:30 shamasynda beınekameramen sholý barysynda túngi klýb aldynda tóbeles bolyp jatqandyǵyn baıqap, dereý patrýldik polısııa narıadyn jiberedi.
Sol jerden dene jaraqatyn alǵan bir azamat dereý medısınalyq mekemege jetkizilgen. Oqıǵa orynda kúdikti ustaldy. Keıin buzaqynyń 24 jastaǵy qala turǵyny ekeni anyqtalyp, qalalyq ýaqytsha ustaý ızolıatoryna qamaldy. Qazirgi tańda sotqa deıingi tergeý bastaldy.
Aıta keteıik, jyl basynan beri beınebaqylaý kameralarynyń kómegimen 2426 ákimshilik quqyq buzýshylyq, onyń ishinde 1836 jol qozǵalysy erejelerin buzý deregi anyqtalǵan.
