QR IDM Azamattyq avıasııa komıteti baspasóz qyzmetiniń málimetinshe, qazir aptasyna 590 reıs 45 baǵyt boıynsha ishki áýereıster tolyǵymen jańartyldy.
«Halyqaralyq baǵyttar boıynsha 14 elge (Túrkııa, Koreıa, BAÁ, Belarýs, Ýkraına, Germanııa, О́zbekstan, Qyrǵyzstan, Mysyr, Reseı, Grýzııa, Tájikstan, Maldıv, Shrı-Lanka) 35 baǵyt boıynsha aptasyna 103 reıs kezeń-kezeńimen jańartyldy», delingen vedomstvonyń habarlamasynda.
Buǵan deıin Halyqaralyq áýe kóligi qaýymdastyǵynyń (IATA) 2021 jyldyń qańtarynda halyqaralyq jolaýshylar tasymalyna suranys 2019 jyldyń qańtarymen salystyrǵanda 85,6 paıyz tómendegenin habarlaǵan edi. Bul 2020 jyldyń sońǵy aıymen salystyrǵanda 0,3 paıyzǵa kóp.
«Bıylǵy maýsym 2020 jyldyń aıaǵyndaǵy jaǵdaımen salystyrǵanda nashar bastaldy. Shekteýlerdiń qansha ýaqytqa sozylatyny belgisiz bolýy aldaǵy saparlarǵa áser etedi. Mysaly, osy jyldyń aqpanynda soltústik jarty shardaǵy jazǵy týrıstik maýsymǵa aldyn-ala tapsyrys 2019 jyldyń aqpan aıyndaǵy deńgeıden 78 paıyz tómen boldy», dedi IATA bas dırektory Aleksandr de Djýnıak.
