Almaty oblysyndaǵy Alakól aýdandyq ortalyq aýrýhanasyna 1995 jyly týǵan jergilikti turǵyn kelip, attan qulaǵanyn aıtyp shaǵymdanady. Azamattyń moıyn jáne bel omyrtqalarynyń qımyly shektelgen eken.
Tekserýden keıin turǵyn shuǵyl túrde anestezıologııa, reanımasııa jáne qarqyndy terapııa bólimine emdeýge jatqyzylǵanymen, dárigerler naýqasqa quramynda neırohırýrg jáne reanımatolog dárigeri bar medısınalyq avıasııanyń mobıldik brıgadasymen medısınalyq avıasııa bortyn shaqyrý qajet dep tabady.
2021 jylǵy 10 naýryzda medısınalyq avıasııanyń mobıldik brıgadasy aýdandyq aýrýhanaǵa keldi, onda pasıentti neırohırýrg jáne reanımatolog birlesip zerttep-qarady. Mamandandyrylǵan neırohırýrgııalyq kómek kórsetý úshin pasıentti medısınalyq avıasııa kúshimen Taldyqorǵan qalasyndaǵy oblystyq aýrýhanaǵa tasymaldaý týraly sheshim qabyldanady. Sol kúni pasıent turaqty kúıde oblystyq aýrýhanaǵa jetkiziledi. Qazir naýqastyń jaǵdaıy turaqty.
Aıta keteıik, naýqasty áýe joly arqyly elimizdiń kez kelgen jerine tasymaldaý múmkindiginiń arqasynda kúrdeli operasııany ýaqtyly júrgizýge, aýyr jaraqattar kezinde jedel kómek kórsetýge, joǵary tehnologııalyq medısınalyq kómekti qoljetimdi etýge jáne qutqarylǵan adamdardyń sanyn aıtarlyqtaı arttyrýǵa múmkindik beredi.
