«Byltyr qurylys qarqynyn saqtap qana qoımaı, aıtarlyqtaı ulǵaıttyq. Bıyl áleýmettik turǵyn úıler men áleýmettik nysandar salýdan rekord ornatpaqpyz. Qurylys jumystary elordanyń barlyq aýdandarynda polıortalyq qaǵıdasy boıynsha júrgizilip jatyr. Turǵyndarǵa qajet nysandardyń barlyǵy jaqyn qashyqtyqta ornalaspaq.
Búgin qalany aralaý kezinde Almaty aýdanynda ornalasqan jeńildikpen beriletin turǵyn úıdiń, sonymen birge mektep qurylysy barysymen tanystym.
Qalany jıi aralap turamyn. Sonda ǵana qurylys salýshylar qurylys qarqynyn báseńdetpeı, sapaly jumys isteıdi, al biz jaǵdaıdy tek qaǵaz betinde emes, qurylys nysandarynda bolyp jatqan naqty beıneni kóremiz. Jumysqa nemquraıly qaraıtyn qurylys kompanııalarynyń qyzmetinen bas tartamyz. Qurylys jumystary aıaqtalǵannan keıin aýmaqtardy abattandyrý men kógaldandyrýǵa nazar aýdarý qajet.
Osylaısha, Memleket basshysynyń tapsyrmasy boıynsha áleýmettik qoljetimdi turǵyn úı sany josparly túrde ulǵaıyp keledi. Eger 2018 jyly elordada jeńildikpen beriletin 1100 páter salynsa, 2019 jyly – 2900, al 2020 jyly – 7 myńnan astam áleýmettik páter salyndy. Bıyl osy kórsetkishti 10 myń páterge deıin ulǵaıtýdy josparlap otyrmyz.
Mektepter salý kezinde, eń aldymen muqtajdyq bar jerlerdi tańdaımyz: ol eń aldymen - halyq tyǵyz ornalasqan jáne jańa salynyp jatqan aýdandar. Sonyń ishinde, eldi-mekender de bar. Máselen, ótken jyly Mıchýrıno eldi-mekeninde mektep salyndy. Buryn onda birde-bir mektep bolmaǵan edi. Balalar men muǵalimder beıimdelgen bólmede otyrýǵa májbúr boldy.
Bıyl barlyǵy 16 mektep salamyz. Bul – 40 myńnan astam oqýshyny qamtýǵa múmkindik beredi. О́tken jylmen salystyrǵanda qamtylatyn oqýshy sany 2 eseden astam kóbeıedi», dep jazdy qala ákimi.
