M.Sarbasov Otandastar qory janyndaǵy qoǵamdyq komıssııa otyrysynda: «2020 jylǵy qańtardan jeltoqsan aıyna deıin «Sheteldik jáne Qazaqstan Respýblıkasyna kóship kelgen etnıkalyq qazaqtardy qoldaýdy qamtamasyz etý qyzmetteri» aıasynda QR Aqparat jáne qoǵamdyq damý mınıstrliginiń memlekettik tapsyrmasy oryndaldy. Zertteý aıasynda jalpy 11 memlekettegi 88 qazaqtildi BAQ pen qandastarymyz qoldanatyn áleýmettik jelidegi toptardyń derekqor bazasy jasaldy. Sonyń ishinde 14 gazet, 14 jýrnal, 5 telearna, 11 saıt, 5 radıo, áleýmettik jelide 39 toptyq paraqshalar bar. Bıyl osy sheteldegi qazaqtildi BAQ birlestigin qurýdy josparlap otyrmyz», dep aıtyp ótti.
Osy aqparat quraldarynda jarııalanǵan materıaldarǵa monıtorıng jasap, saralaý nátıjesinde birqatar ózekti másele anyqtaldy.
«Kórshiles alys-jaqyn shet memleketterde qarjy tapshylyǵy saldarynan dástúrli qazaqtildi aqparat quraldarynyń (gazet-jýrnal, telearna, radıo) sany azaıǵan. Atap aıtsaq, Mońǵolııada sońǵy 4-5 jyldan beri «Bilim» gazeti, TV-4 telearnasy, Baiolke.com saıty, Reseıde – Omby oblysynan shyǵatyn «Ata-Meken», Astrahanda «Aq arna» gazetteri jabyldy. Qarjy tapshylyǵyn О́zbekstandaǵy qazaqtildi aqparat quraldary da sezinip otyr. Ondaǵy qandastarymyzdyń aıtýynsha, aýdandyq jáne oblystyq gazet-jýrnaldar memlekettik mekeme bolyp sanalady. Biraq memleket esebinen bólingen qarjynyń jetkiliksizdiginen gazet-jýrnaldar jeke azamattardyń qoldaýymen shyǵarylýda. Osyndaı túıitkildi máselelerdi eskere otyryp, Syrtqy ister mınıstrligi iske asyratyn elimizdi shetelderge tanytatyn ımıdjdik aqparattyq jobalar baǵdarlamalary arqyly jyl saıyn iriktep, 10 sheteldegi qazaq tildi BAQ-tyń árqaısysyna 1 mıllıon teńgeden qarjylaı kómek kórsetýdi qolǵa alý qajet dep esepteımiz. Osy ýaqytqa deıin olardy qandastarymyz jeke óz qarjylaryna shyǵaryp keldi. Syrttaǵy baýyrlarymyzdyń bul otansúıgishtik, eljandylyq áreketine otyz jyldan keıin qoldaý kórsetetin kez kelgen sııaqty», deıdi M.Sarbasov.
