«AN-26 áskerı ushaǵy qulaǵan jerge bardym. Tıisti qyzmet ókilderine bolǵan oqıǵanyń saldaryn joıýdy tapsyrdym. Qaza bolǵandardyń týystary men jaqyndaryna kóńil aıtamyn. Zardap shekkenderge barlyq qajetti medısınalyq kómek kórsetilýde», dep jazdy B.Saǵyntaev Twitter-degi paraqshasynda.
Sonymen qatar oqıǵa ornynda Almaty qalasy Qoǵamdyq densaýlyq basqarmasynyń jedel járdemniń 10 reanımasııalyq brıgadasy jumys istep jatyr.
«Zardap shekken adamnyń biri 33 jastaǵy er adamnyń sol jaq sany ashyq synǵan, jabyq mı jaraqatyn alǵan. 25 jastaǵy jigit mı jaraqatyn alǵan, qol saýsaqtary synǵan. Sonymen qatar, 2-3 dárejeli kúıik alǵan. Qazir olar Almatydaǵy 4 aýrýhananyń jansaqtaý bóliminde jatyr. Jaǵdaılary óte aýyr. Dárigerler zardap shekkenderdiń ómirin qutqarý úshin bar kúshin salýda. Barlyq kadrlar, sonyń ishinde qalanyń bas reanımatology jumyldyryldy», dedi qala ákimdiginen.
