Kólik mınıstri Andreas Shoıer bul jospar aldaǵy 15 jylda oryndalýy kerektigin basa aıtty. «Aldaǵy 15 jylda atalǵan mejege jetý úshin zamanaýı tehnologııalarǵa ashyq bolýymyz kerek. Bul sharalar ekologııamyzdy qorǵap, klımattyń ózgerýiniń aldyn alý úshin mańyzdy», deıdi qurylym basshysy.
Bul oıdy basqa da saıasatkerler qoldady. Hrıstıan-áleýmettik odaǵynyń kóshbasshysy Markýs Zeder buǵan qatysty oıyn byltyr kúzde bildirip qoıǵan edi. Ekologııaǵa qatysty sharalarǵa eldegi oppozısııa da oń kózqarasta.
Jalpy, dızelge qatysty janjal Germanııada osydan alty jyl buryn týǵan. Odan keıin dızelmen júretin kólikterge suranys aıtarlyqtaı tómendegen. 2015 jyldan beri qaraı dızeldi kólikter 40,4 paıyzǵa az tirkelgen.
Degenmen, bul úrdis eldegi kólik saýdasyna teris áserin tıgizdi. Eski kólikter saýdasy azaıyp, ıeleri tym arzanǵa satýǵa májbúr boldy.
Mundaı sharalardy qolǵa alyp jatqan elder qatary az emes. Ulybrıtanııa da kómirqyshqyl gazynyń shyǵýyn azaıtý úshin 225 mln fýnt qarjy qarastyryp otyr. Bul qarjy dızelmen júretin kólikter tıgizgen zardapty joıýǵa baǵyttalmaq.
Al Fransııa bolsa atalǵan jańalyqty 2040 jyldary engizbek. Úkimet dızelmen júretin kólikterden bas tartyp, azamattarǵa tek jańa kólikter nemese kóp ustalmaǵan kólikter satyp alýǵa ruqsat beretinin málimdedi.
Norvegııa – bul turǵyda alda. Atap aıtqanda, aldaǵy tórt jylda túgeldeı elektrmashınalarǵa kóshýdi josparlap otyr. Bul rette norvegter kólik salyǵynan bosatylýy múmkin. Sonymen birge avtojoldarǵa tóleıtin qosymsha aqy da alynyp tastalady.
