Eńbek jáne halyqty áleýmettik qorǵaý mınıstri men óńir ákimderiniń orynbasarlary osy baǵyttaǵy atqarylyp jatqan sharalar boıynsha esep berdi. Otyrys barysynda vıse-premer pandemııa kezinde eń aldymen jumys oryndarynyń saqtalýy, jalaqynyń ýaqtyly tólenýin qamtamasyz etý máselelerine basymdyq berilip otyrǵanyn atap ótti. Osy oraıda E.Toǵjanov jumys berýshiler men qyzmetkerlerdiń múddelerin qorǵaıtyn kásipodaqtardyń baǵa jetpes úlesin atap ótti. Qorytyndylaı kele ortalyq memlekettik jáne jergilikti atqarýshy organdarǵa birqatar tapsyrma berdi, atap aıtqanda, shtattardy jáne eńbekaqy tóleý sharttaryn ońtaılandyrý boıynsha Qazaqstannyń jumys berýshileri iske asyratyn sharalarǵa keshendi taldaý jasaý; eńbekaqy tóleýdiń biryńǵaı standarttaryn engizý máselesin pysyqtaý; salalyq úshjaqty komıssııalardyń jumysyn jandandyrý.
Budan bólek, otyrys aıasynda el Úkimeti, jumys berýshilerdiń respýblıkalyq birlestikteri men kásipodaqtardyń respýblıkalyq birlestikteri arasynda 2021-2023 jyldarǵa arnalǵan bas kelisimge qol qoıyldy. Jańa bas kelisimde qoıylǵan mindetter qyzmetkerlerdiń jumys isteýine qolaıly jaǵdaı jasap, qaýipsizdigin qamtamasyz etýdi kózdeıdi.
