Osy oraıda Dárilik zattar men medısınalyq buıymdardy saraptaý ulttyq ortalyǵy men Básekelestikti qorǵaý jáne damytý agenttiginiń birlesken jumysynyń qorytyndysy boıynsha koronavırýs ınfeksııasyna qarsy preparattarǵa shekti baǵa qoıýdyń erekshe tártibi kózdelip otyr. Iаǵnı, kóterme jáne bólshek saýdada marketıngtik shyǵystarsyz, ústeme baǵalardyń regressıvti shkalasyna sáıkes dárilerdiń tizimi Dárilik zattar men medısınalyq buıymdardy saraptaý ulttyq ortalyǵyna jiberiledi.
Dárilik zattardy saraptaý ortalyǵy bas dırektorynyń orynbasary Erjan Júnisovtyń aıtýynsha, bul tizimdegi dárilik preparattarǵa suranys kóp bolǵandyqtan, kóterme jáne bólshek saýdada 30 paıyz mólsherindegi marketıngtik shyǵystar alyp tastalǵan. Sondaı-aq, kóterme jáne bólshek ústeme baǵa eki ese tómendegen. Eger de buryn kóterme ústeme baǵa 20 paıyzǵa jetken bolsa, onda antıkovıdti preparattar úshin tıisinshe 10, eger bólshek ústeme baǵa 55 paıyzǵa deıin jetken bolsa, antıkovıdti preparattar úshin 27 paıyzǵa tómendegen. Mysaly, Kardıomagnıl 75 mg №30, 75 mg №100, 150 mg №30 preparaty úshin bólshek ústeme baǵa 22,5 paıyzdy, al Kardıomagnıl 75 mg №100 preparaty 17,5 paıyzdy quraıdy. Osylaısha, barlyq antıkovıdti preparattarǵa arnaıy tártip qoldanylatyn bolady.
Qazaqstan aýmaǵynda dárilik zattardyń baǵalaryn retteý jónindegi ókilettikter Densaýlyq saqtaý mınıstrligine júktelgen. Al dárilik zattardy belgilengen shekti baǵadan qymbat satý áreketi Ákimshilik quqyq buzýshylyq týraly Kodeksiniń 426-baby boıynsha ákimshilik jaýapkershilikke tartylady.
Endigi kezekte qazaqstandyqtar Dari.kz mobıldik qosymshasynyń kómegimen dárihanalardaǵy qandaı da bir preparattyń baǵasyn óz betinshe baqylaı alady. Eger de preparattardyń baǵasy joǵar bolsa, onda arnaıy baǵandy toltyrý arqyly shaǵym qaldyra alady.
Osy oraıda dárilik zattardyń emdik qasıetteri orıgınal preparatpen birdeı bolyp keletin analogtary bar ekendigin, mysaly, kardıomagnıl preparatynyń (belsendi zaty asetılsalısıl qyshqyly) 23 analogy, ıbýprofenniń (belsendi zaty bar ıbýprofen) 56 analogy, sýmamedtiń (belsendi zaty azıtromısın) 50 analogy, ksareltonyń (belsendi zaty rıvaroksaban) 4 analogy, kleksannyń (belsendi zaty natrıı enoksaparın) 2 analogy bar ekenin eskergen jón.
