Reıdtik is-sharalar Nur-Sultan qalasy ákimdiginiń, Qorshaǵan ortany qorǵaý jáne tabıǵatty paıdalaný basqarmasynyń, Nur-Sultan qalasy Ekologııa departamentiniń, Nur-Sultan qalasy polısııa departamentiniń jergilikti polısııa qyzmetiniń, «Eko polıgon Astany» JShS jáne «Klın sıtı» JShS birlesken kúsh-jigerimen júrgiziledi.
Máselen, 2021 jyldyń aqpan jáne naýryz aılarynda Nur-Sultan qalasynyń Polısııa departamenti tabıǵat qorǵaý polısııasy bólimshesiniń qyzmetkerleri QR ÁQBtK-niń 505-babynyń «abattandyrý erejelerin buzǵany úshin...» shaǵyn jáne orta bıznestiń 151 sýbektisi ákimshilik jaýapkershilikke tartyldy, 29 qurylys uıymy men 31 merdigerlik uıymǵa jalpy somasy úsh mln teńge aıyppul salyndy. Belgilenbegen orynda qoqys shyǵarǵany úshin júk kóliginiń 10 júrgizýshisine 460 myń teńge aıyppul salyndy.
Aıta ketý kerek, reıdtik is-sharalar ary qaraı da jalǵasady. Zańdy qasaqana buzýshylardy qurylys lısenzııasynan aıyrýǵa, júk tasymaldaý qyzmetin toqtatýǵa deıingi qatań sharalar qoldanylady.
