№2 GMB akýsherlik blogyna orta eseppen 370-ke jýyq shala týǵan bala túsedi.
«Bala 5 aqpan kúni dúnıege keldi, salmaǵy - 960 gramm, boıy - 42 sm. О́te kishkentaı bolǵanmen densaýlyǵy jaqsy boldy», deıdi neonatolog-reanımatolog Sholpan Nurashbekova.
Balaǵa Batyr esimi berildi. Ol 27-aptada kesar tiligi arqyly dúnıege keldi, óıtkeni anasynyń sýy az, ıaǵnı horıoamnıonıt boldy. Qazirgi ýaqytta jańa týǵan náresteniń salmaǵy - 1 345 gramm. Bala týǵan sátten bastap dárigerlerdiń baqylaýynda.
Dárigerler qazaq halqynyń dástúrin saqtap, aýrýhana qabyrǵasynda «qyrqynan shyǵarý» rásimin ótkizdi. Búginde sábı 40 kún boıy jańa týǵan nárestelerdiń reanımasııa bólimshesinde jatyr. Gemodınamıkasy turaqty.
«Bul meniń úshinshi balam. Men de, otbasym da №2 GMB akýsherlik blogyndaǵy medısına qyzmetkerleriniń bárine, jańa týǵan nárestelerdi reanımasııalaý bólimine jaýapkershiligi, eńbekqorlyǵy men meıirimdiligine óte rızamyz. Munda eń myqty degen kásibı medısınalyq komanda jasaqtalǵan. Otbasylaryńyzǵa densaýlyq, baqyt, amandyq, barlyq ıgilik jáne tilekterińizdiń oryndalýyn tileımin. Atqarǵan jumystaryńyzǵa taǵzym etemiz», dep Batyrdyń anasy dárigerlerge alǵys aıtty.
Aıta keteıik, «qyrqynan shyǵarý» - (balaǵa qyryq kún) bala ómirindegi eń qasıetti salt bolyp sanalady. 40 kúnge deıin náreste úshin bul álem qaýipti dep esepteledi. Sol sebepti jurt kózinen alshaqta bolyp, eshkimge kórsetilmeıdi.
