Jumys sapary barysynda TJM bólimsheleriniń kúshteri men quraldarynyń aldaǵy sý tasqyny kezeńine daıyndyǵy tekserildi. Sondaı-aq, sapar barysynda órt sóndirý bólimderi men №52859 áskerı bóliminiń jeke quramymen kezdesýler ótkizildi.
TJ birinshi vıse-mınıstri men О́QQK tóraǵasy bólimshelerdiń materıaldyq-tehnıkalyq jaraqtandyrylýyn, qyzmetkerlerdiń jabdyqtalýyn, olardyń jumys jaǵdaılaryn tekserdi.
Qaraǵandy oblysynyń aýmaǵynda ornalasqan TJM barlyq bólimsheleri aldaǵy sý tasqyny kezeńinde júktelgen mindetterdi oryndaýǵa daıyn. Jaraqta ótimdiligi joǵary jáne ınjenerlik tehnıka, onyń ishinde jeke quramdy tasymaldaýǵa jáne halyqty evakýasııalaýǵa arnalǵan ótimdiligi joǵary vahtalyq avtobýstar, batpaq-jol talǵamaıtyn kólikter, júzý quraldary, motopompalar, onyń ishinde tirkemeli, sondaı-aq gıdrokostıýmder bar.
Qaraǵandy oblysynyń qutqarý bólimsheleri Shyǵys Qazaqstan jáne Soltústik Qazaqstan oblystaryndaǵy sý tasqyny kezeńiniń shıelenisken jaǵdaıda kómekke kelýge daıyn.
Sý tasqyny kezeńiniń yqtımal asqynýyna jedel den qoıý maqsatynda kórshi óńirlerge marsh jasaý úshin 100-den astam adam men 17 birlik tehnıka daıyndaldy. Qutqarý toptary avarııalyq-qutqarý jáne kezek kúttirmeıtin jumystardy júrgizý úshin qajetti kıim-keshekpen jáne jabdyqpen qamtamasyz etilgen.
Qaraǵandy oblysynda sý tasqyny kezeńine barlyǵy 6700-den astam adam jáne 1900-den astam tehnıka birligi bar azamattyq qorǵaýdyń aýmaqtyq kishi júıesiniń kúshteri men quraldary daıyndaldy.
