Alǵysqa bólengen eriktiler

Almaty qalasy boıynsha volon­ter­ler jedel shtabynyń je­tek­shisi Baǵdat Anarbaeva karan­tın­niń alǵashqy kezeńinde jumys isteýde kóp­tegen qıyndyq pen qor­qy­nysh­tyń bolǵanyn alǵa tartady. «16 naýryzda Almaty qalasynda volonterler shtaby quryldy. Shtab aıasynda qalanyń barlyq volonterleri, sonymen qatar turǵyndarmen bir­le­se otyryp shtab aıasynda ju­mys isteýge sheshim qabyldadyq. Jumy­sy­myzda tańnan keshke deıin damyl bolǵan joq. Ákimshilik tarapynan eriktilerge tegin kólik berilip, ju­mys orny belgilendi. Ystyq ta­maq­pen de qamtamasyz etildi. Osy oraıda medısına salasynda bilimi bar eriktilerdiń jumysyn erekshe atap ótken jón. Olar eriktiler tobynyń densaýlyǵyn qadaǵalap, vırýstyń aldyn alý sharalarynda aldyńǵy shepte turdy. Sonyń nátıjesinde birde-bir erikti vırýs juqtyrǵan joq», dep atap ótti shtab jetekshisi.

Tótenshe jaǵdaıda jumys istegen eriktiler muqtaj jandarǵa azyq-túlik sebetterin jınap, úılerine jet­k­i­zip berý jumystaryn turaqty iske asyryp otyrdy. Sonymen birge eriktelerden jalǵyzbasty zeı­net­kerlerdiń ýaqtyly ys­tyq ta­maqpen, azyq-túlik jáne dári-dár­­mekpen qamtamasyz etýin qada­ǵa­­lap, jetkizip otyrý jyldam­dyq­ty, demalyssyz ju­mys isteýdi talap etti. Qala boıynsha júrgizilgen monıtorıng jumystarynyń nátı­je­sinde kóptegen aksııanyń ótýine muryndyq bolǵan eriktiler shta­by­nyń músheleri dári-dármekter tap­shylyǵy kezinde áleýmettik az qam­tylǵan turǵyndarǵa qolushyn berdi. Jıyrma myńnan astam muqtaj otbasy men áleýmettik jaǵdaıy nashar azamattarǵa qajetti ónimderdi taratýǵa qoldaý kórsetken eriktiler 284 otbasyna qajetti dári-dármek, 60 otbasynyń balalaryna mektepke qajetti taýarlar jıyntyǵyn, 151 otbasyna turmystyq qajettilikter, 78 otbasyna qashyqtan oqytýǵa kerekti quraldar taratýǵa qol­ushyn berdi. Senim telefony ar­qyly qala­nyń 12 myńnan astam turǵynymen aqpa­­rattyq-túsindirý jumystary júr­­gizil­di. Sonymen qatar qala ákim­­shili­gimen birlesip, 20 myńnan astam ­azyq-túlik se­be­ti daıyndaldy. Áleý­mettik damý basqarmasy jáne Tótenshe jaǵ­daı­lar departamentimen birle­sip, mekemelerde karantındik rejim ere­jeleriniń saqtalýyn júıe­li túr­de baqylaý men adamdar kóp sho­ǵyrlanǵan jerlerde karantın sharalaryn saqtaý boıynsha túsindirý ju­mystarynyń bel ortasynda júr­gen eriktiler shtaby osy qıyn kezeń­de shyńdalýmen qatar qala tur­ǵyn­da­ry­nyń alǵysyn arqalap júr.

ALMATY