Sýretti túsirgen Erlan OMAR, «EQ»
Bul bılik tizgini ustaǵan barlyq basshynyń qolynan kele bermeıtin sheshim. Al eldiń bolashaǵyn arydan oılaǵan Elbasy saıasat sharyǵynda shyńdalǵan bilikti azamat Qasym-Jomart Toqaevqa el basqarý tizginin tapsyryp, kóregen sheshim qabyldady. Menińshe, bul – der kezinde jasalǵan ońtaıly qadam ári keıingige ǵıbratty úlgi. Kez kelgen damyǵan memleket saıası sabaqtastyqtyń saltyn saqtaýy tıis. Urpaq ósedi, býyn almasady, zaman ózgeredi, ár dáýirdiń ózine saı úni bolady. Sol únge qulaq túre alatyn, elmen etene aralasyp, jurtpen úndese jumys isteıtin basshy ǵana bolashaqty baǵamdap, eldi ıgilikke bastaıdy. Bizde bul sabaqtastyq óz ýaqytynda saltanat qurdy.
Árıne, el basqarý ońaı sharýa emes. Onyń jaýapkershilik júgi tym aýyr. Ishki jáne syrtqy saıasatty úılestire bilý, san salanyń tizg inin teń ustaý – úlken eńbek pen asqan bilimdi qajet etetin dúnıe. Tarıhı tańdaýlarǵa baryp, qıyndyqtarmen qaptaldasa júrip, sarabdal sheshim qabyldaý – naǵyz qaıratkerdiń isi. Bul turǵyda Qazaqstannyń úlgisi basqa memleketter úshin de jaqsy ónege bola alady.
Jahandaný dáýirinde adamzat balasy túrli syn-qaterlermen betpe-bet kelip jatyr. Álemniń bir bólshegi bolǵasyn bul qıyndyqtar bizdi de aınalyp ótpeıtini – zańdy qubylys. Osyndaı taǵdyrsheshti kezeńde barǵa masattanbaı, etek-jeńimizdi jınap alǵa umtylýymyz kerek. Muny bılik ókilderi de jaqsy túsinip otyr. Ekonomıkany eseńgiretip almaý úshin aýqymdy josparlar qurylyp jatyr, sonyń bári júıeli júzege asqaı!
Dosmuhamed KIShIBEKOV,
akademık
