Dúnıejúzi tarıhy, Qazaqstan tarıhy jáne Quqyq negizderi pániniń jańartylǵan baǵdarlama boıynsha treneri, gýmanıtarlyq ǵylymdar magıstri, «О́rleýdiń» Almaty qalasy boıynsha aǵa oqytýshysy Gúlbala Kenishtaıqyzy muǵalimdermen onlaın-semınar ótkizdi. Semınarǵa qatysýshylarǵa trener birinshi kezekte sıfrlyq sabaqtardy túsirýdiń bekitilgen erejesinen aýytqymaı, estafeta materıaldaryna qoıylatyn talaptar boıynsha jumys jasýdyń mańyzdylyǵyn atap ótti.
Trener semınar barysynda estafetaǵa qatysýshy muǵalimderdiń Dúnıejúzi tarıhy páninen (10-synyp) 4-toqsannyń oqý baǵdarlamasy boıynsha ázirlengen sabaq úlgilerimen tanysyp, qashyqtyqtan bilim berý jaǵdaıynda oqýshylardyń bilimin tolyqtyrýǵa negiz bolatyn sıfrlyq sabaqty daıyndaý barysynda baǵalaý krıterıılerine, bilim, bilik, daǵdysyna, tapsyrmalardyń erekshelikterine mán berip, deskrıptor men keri baılanystyń durys júrgizilýine baǵyt-baǵdar berdi.
Semınar barysynda tarıh páni muǵalimderi sabaqty ázirleý barysyndaǵy týyndaǵan saýaldarymen, sabaq josparyn oryndaýǵa qajetti keńestermen bólisti.
