Pedagogıkalyq jetistikteri jáne elimizdiń bilim salasyna sińirgen aıryqsha eńbegi úshin elordadaǵy fızıka-matematıka baǵytyndaǵy Nazarbaev Zııatkerlik mektebiniń matematıka pániniń muǵalimi Gúlnar Apeeva «Qazaqstannyń eńbek sińirgen ustazy» qurmetti ataǵymen marapattaldy.
Memlekettik nagrada Gúlnar Kenjebaıqyzyna saltanatty jaǵdaıda tabys etildi. О́ziniń kásibı mamandyǵyn jetik meńgergen Gúlnar Kenjebaıqyzy bilim salasynda 35 jyldan asa eńbek etken jańashyl zertteýshi, daryndy ustaz.
«Muǵalimde Lev Tolstoıdan keıin «Bolashaqtyń adamy qazirdiń ózinde bizdiń aramyzda» dep aıtý artyqshylyǵy men salmaǵy bar. Artyqshylyǵy, biz, muǵalimder, kún saıyn 50-60 jyl belsendi eńbek etý keleshegi bar balalardy oqytamyz. Bizdiń árqaısymyzdyń qansha ýaqyt alǵa kóz salatynymyzdy elestetip kórińiz - jarty ǵasyr alǵa qaraımyz. Aýyrtpalyǵy - bizdiń jumysymyz bizden, búgingi kún adamdarynan, keler tolqyn tulǵalarynda bolýy tıis qasıetterdi boıyna darytqan, bolashaq adamy bolýdy talap etedi. Muǵalimniń jumysy – bolashaqty aıqyndaıdy», dep bólisti óz pikirimen Gúlnara Apeeva.
