Bıylǵy Naýryz merekesin erekshe mazmunda ótkizýge baılanysty rýhanı qundylyqtardy, halyqtyń birligi men kelisimin nyǵaıtýǵa baǵyttalǵan sharalardy Qazaqstan halqy assambleıasynyń, respýblıkalyq etnomádenı birlestikterdiń músheleri de erekshe jaǵdaıda qarsy alyp, kóktem merekesin qazaq halqynyń salt-dástúrlerin jańǵyrtý, beıbitshilikti saqtaý, qaıyrymdylyqty jáne etnos aralyq qatynastar mádenıetin damytý, qoǵamdaǵy dostyq pen senimdi nyǵaıtý, eldimekenderdiń aýmaqtaryna abattandyrý sharalarymen jalǵastyrýdy maqsat etip otyr.
Osyǵan oraı Qazaqstan halqy Assambleıasynyń músheleri, respýblıkalyq jáne qaladaǵy etnomádenı birlestikter basshylary Almatydaǵy Gagarın jáne Qarasaı batyr kósheleriniń qıylysynda 30 túp aǵash otyrǵyzdy.
Kóshet otyrǵyzý isiniń bastamashysy - «Ahyska» gazetiniń bas redaktory Rovshan Mamedoǵly bul sharanyń qalany kórkeıtýmen qatar aınala qorshaǵan tabıǵatqa da, adamzatqa da qaıyrymdylyq, janashyrlyq istermen jalǵasyn tabatynyn atap ótti. Osy ıgi shara aıasynda Dostyq úıinde Qazaqstan halqy Assambleıasynyń «30 ıgi is» jobasy aıasynda qaıyrymdylyq aksııasy ótedi. Onyń barysynda kópbalaly jáne az qamtylǵan 30 otbasyna azyq-túlik sebetteri beriledi. Qaıyrymdylyq aksııasynyń bastamashysy – QHA tóraǵasynyń orynbasary Z. Kýzıev.
Igi sharalar Parlament Májilisiniń depýtattary, Almaty qalasy máslıhatynyń depýtattary, QHA jáne QHA qoǵamdyq qurylymdarynyń músheleri, ǵylymı jáne shyǵarmashylyq qaýym ókilderi, stýdent jastar, Almaty qalasy «Jańǵyrý joly» MD músheleriniń qatysýymen ótetin bolady.
