Ulttyq banktiń málimetishe, jyldyq ınflıasııa 7,4% deńgeıinde saqtaldy. Azyq-túlik baǵasynyń ósýi jedeldetýdi jalǵastyrdy.Retteletin kommýnaldyq qyzmetterdiń tarıfteri tómendedi. Retteletin kommýnaldyq qyzmetterdiń tarıfteri tómendedi 2021 jylǵy aqpanda ınflıasııa 0,7% qurady, jyldyq mánde ózgerissiz qaldy –7,4%. Inflıasııaǵa negizgi úles burynǵydaı azyq-túlik taýarlaryna baǵanyń ósýi yqpal etedi, aqpan aıynda azyq-túlik ınflıasııasynyń 11,6% deıin azdap jedeldeýi tirkeldi (2021 jylǵy qańtarda – 11,4%). Kúnbaǵys maıynyń (41,9%, g/g), qanttyń (39,1%), jumyrtqanyń (32,9%) odan ári qymbattaýy baıqaldy. Sonymen qatar, unnyń, jarma men nannyń jekelegen túrleri qymbattady.
Qus etiniń de baǵasy ósti. Álemdik azyq-túlik naryqtarynda is júzinde barlyq ónim túrleriniń qymbattaýy jalǵasýda, atap aıtqanda, 2021 jylǵy aqpanda qant pen ósimdik maılaryna eń joǵary ósý qarqyny baıqaldy.
Baǵanyń eń úlken ósimi tamaq ónimderi óndirisinde 13,1%-ǵa sonyń ishinde ósimdik jáne janýar maılary (37,3%), qant (23,1%), un-jarma ónimderi (15,8%) óndirisinde tirkeldi. Aýyl sharýashylyǵy salasynda jumyrtqa (44,5%), maıly tuqymdar (30,8%), kartop (22,9%) baǵasynyń jyldyq ósýi baıqaldy. Azyq-túlik emes taýarlardyń jyldyq ınflıasııasy 2021 jylǵy aqpanda 5,2%-ǵa deıin baıaýlady (2021 jylǵy qańtarda – 5,3%). Inflıasııa qurylymynda azyq-túlik emes taýarlardyń kópshiligi qalypty ósý qarqynyn kórsetti.
Dári-dármekter men jeke taýarlarǵa baǵanyń ósýi baıaýlady. 2020 jylǵy qańtar-aqpandaǵy joǵary bazanyń aıasynda benzın (1,9%-ǵa tómendeý, j/j) jáne dızel otyny (7,1%-ǵa tómendeý, j/j) baǵalarynyń deflıasııalyq serpini tirkeldi (benzınge aksızder artty).
Sonymen qatar, qurylys materıaldarynyń, sondaı-aq kıim men aıaq kıimniń kóptegen túrleriniń, atap aıtqanda balalar kıimderi men bas kıimderdiń qymbattaýy baıqaldy. Aqyly qyzmetter baǵasynyń jyldyq ósýi 2020 jyldyń aqpan aıynda kommýnaldyq qyzmetter tarıfteriniń jyl basyna tán emes tómendeý nátıjesinde 3,9%-ǵa deıin baıaýlady (2021 jylǵy qańtarda – 4,1%). Jalpy, retteletin kommýnaldyq qyzmetter jyldyq mánde 0,1%-ǵa arzandady.
