Osakarov aýdany Nıkolaevka aýylynyń mańyndaǵy Sabyrqoja ózeninde muzdyń jarylýy bastaldy. Muzdy jarý jumystary kóktemgi seń júrý kezeńinde keptelis qubylystarynyń aldyn alý jáne tasqyn sýlardyń apatsyz ótýin uıymdastyrý maqsatynda júrgiziledi.
Sondaı-aq eldi mekenderden qar shyǵarý, sondaı-aq sý ótkizý qurylystaryn tazalaý boıynsha is-sharalar jalǵasyp jatyr. Oblys boıynsha shyǵarylǵan qardyń kólemi 1,2 mln m3 astam. 1600-den astam sý ótkizý qurylystary tazartyldy.
Negizgi sý qoımalarynan sý aǵyzý jalǵasyp jatyr. Qutqarýshylar turǵyndarǵa kóktemgi sý qoımalarynyń qaýiptiligi týraly eskertedi. Eshqandaı jaǵdaıda muzǵa shyqpańyz, óıtkeni muzdaǵy jarylys tolqynynan jaryqtar paıda bolady. Kóktemde sý qoımalaryn muz ústinen ótý qaýipti. Sý aıdyndaryndaǵy kóktemgi muz qabatyn syrǵanaý jáne ótý úshin paıdalanýǵa bolmaıdy. Ásirese ózenderdi ashý kezinde muzda bolýǵa jol berilmeıdi. Eshqandaı jaǵdaıda muzǵa táýliktiń qarańǵy ýaqytynda jáne nashar kóringende shyǵýǵa bolmaıdy», delingen habarlamada.
