Dabyl berile sala arnaıy maqsattaǵy jaýyngerlik barlaý batalony kóterildi. Arnaıy maqsattaǵy barlaý rotasyna Áskerı-teńiz kúshteriniń obektilerin kúzetý jáne qorǵaý týraly jaýyngerlik oqý-jattyǵý mindeti qoıyldy.
Bólimsheler uıymdasqan túrde kemeler ornalasqan aımaqqa marsh jasap, sodan keıin qarsylastyń sý asty dıversııalyq kúshteriniń enýine jol bermeý úshin Áskerı-teńiz kúshteriniń pırsteri men kemelerin kúzetýdi jáne qorǵaýdy uıymdastyrdy. Bólimshelerdiń jeke quramy qolbasshylyqtan órt sóndirý jáne medısınalyq komandalardy qoldaný boıynsha túrli nusqaý aldy. Al áskerı teńizshiler teńizge shyqty.
Atalǵan oqý-jattyǵýǵa shtattyq qarý-jaraqpen barlyǵy 150-ge jýyq áskerı qyzmetshi, áskerı jáne arnaıy tehnıka jumyldyryldy.
Bul oqý-jattyǵý jeke quramǵa sý astyndaǵy dıversııaǵa qarsy is-qımyldar men kúzet is-sharalaryn uıymdastyrýǵa qajetti praktıkalyq mashyqtardy úırenýge múmkindik berdi.
Osyndaı birlesken oqý-jattyǵý jaýyngerlik daıarlyq josparyna sáıkes udaıy túrde jaýyngerlik jaǵdaıdy kúsheıte otyryp ótkiziledi.
